(මහින්ද නිශ්ශංක)

දුම්රිය වැඩ වර්ජනය තවදුරටත් ක්‍රියාත්මක කිරිමට දුම්රිය මෙහෙයුම් අධීක්ෂණ නිලධාරීන්ගේ වෘත්තීය සමිති සන්ධානයේ සියලු සාමාජිකයන් ඒකමතිකව අද (1) පස්වරුවේ තීරණය කළ බව දුම්රිය ස්ථානාධිපති සංගමයේ ප්‍රධාන ලේකම් ජනක ප්‍රනාන්දු මහතා පැවසීය.

අමාත්‍ය මණ්ඩල අනුකමිටුව සමඟ කළ සාකච්ඡාවේදී 2018 මැයි 16 අනුමත වූ කැබිනට් පත්‍රිකාව අද (1) පැවති කැබිනට් රැස්වීමට ඉදිරිපත් කර ක්‍රියාත්මක කරන බවට දුන් පොරොන්තුව ඉටු නොකිරිම සහ දුම්රිය සේවය සංවෘත දෙපාර්තමේන්තුවක් බවට පත්කිරිම ගැන ලිඛිතව දැනුම් නොදීමත් හේතුවෙන් වර්ජනය දිගටම කරගෙන යාමට තීරණය වූ බවද ජනක මහතා කීය.