(ශ්‍රීනාත් ප්‍රසන්න ජයසූරිය, රංජිත් රාජපක්ෂ සහ ඉන්දිකා රාමනායක)
කොළඹ කොටුව සිට බදුල්ල දක්වා ධාවනය වු උඩරට මැණිකේ දුම්රියට මහනුවරින් ගෙඩ වූ චීන කතක අවට පරිසරය දුරකථනයෙන් විඩියෝ ගත කරමින් ගමන් ගත් චීන ජාතික කාන්තාවකගේ දුරකථනය මංකොල්ල කෑමට දුම්රිය මාර්ගය අයිනේ ගලක්මත සිට පොල්ලකින් පහර දුන් සැකකරුවන් දෙදෙනකු අත්අඩංගුවට ගත් බව නාවලපිටිය පොලිසිය කියයි.
තවත් සැකකරුවකු අත්අඩංගුවට ගැනිමට පොලිසිය මෙහෙයුමක් ආරම්භ කර ඇත.
ලියු කුයින් නැමති චීන ජාතික කාන්තාව , ඇයගේ සැමියා සහ දියණිය සමග ඇල්ල දුම්රිය ස්ථානය ගමන් කරන අතරවාරයේ සිය ජංගම දුරකථනයෙන් සුන්දර ස්ථාන විඩියෝගත කරමින් ගමන් කර ඇත.
නාවලපිටිය ඉගුරුඔය දුම්රිය ස්ථානයට ළගා වන අවස්ථාවේ දුම්රිය මාර්ගයේ අභියස රැදි සිටි තරුණයන් තිදෙ‍ෙකුගෙන් එක් අයෙකු දිගු පොල්ලකින් විඩියෝගත කරමින් සිටි කාන්තාවගේ අතට තද ප්‍රහාරයක් එල්ල කර ඇත.
එම තරුණයන් පහර දෙන දර්ශන ඇයගේ දුරකථනයේ පටිගත වි ඇති අතර , පහර දිම නිසා ඇයගේ අතට තුවාල සිදු වි ඇත.
