(නිමල කොඩිතුවක්කු)
නත්තල් උත්සවය වෙනුවෙන් විශේෂ දුම්රිය සේවාවක් හෙට (23) සිට ක්‍රියාත්මක බව දුම්රිය නියෝජ්‍ය සාමාන්‍යාධිකාරී (ගමනාගමන) ඒ. ඩී. ජී සෙනෙවිරත්ත මහතා පැවසීය.
ඒ අනුව නත්තල් උත්සව සමය වෙනුවෙන් විශේෂ දුම්රිය 08ක් ධාවනයට එක්කරන බවත් සෙනෙවිරත්ත මහතා සඳහන් කළේය.
කොළඹ කොටුවේ සිට බදුල්ල බලා ධාවනය වන විශේෂ දුම්රියන් 3ක් බදුල්ලේ සිට කොළඹ කොටුව දක්වා ධාවනය වන විශේෂ දුම්රියන් 3ක් කොළඹ කොටුවේ සිට කන්කසන්තුරය බලා ධාවනය වන විශේෂ දුම්රියක් කන්කසන්තුරේ සිට කොළඹ කොටුව දක්වා ධාවනය වන විශේෂ දුම්රියක් ධාවනය සඳහා මෙලෙස එක්කර ඇති බව දුම්රිය නියෝජ්‍ය සාමාන්‍යාධිකාරීවරයා සඳහන් කළේය.
මෙයට අමතරව සෙසු දුම්රිය ගමන්වාර සාමාන්‍ය පරිදි ක්‍රියාත්මක බවත් ඔහු තවදුරටත් කීවේය.
