(කේ බුද්ධික කුමාරසිරි)
හයිලිවෙල් මාර්ගයේ පන්නිපිටිය ප්‍රදේශයේදී යතුරු පැදියක් නවතා තිබූ බහාලුම් (කන්ටේනර්) රථයක ගැටී ඊයේ (27) රාත්‍රියේ සිදුවූ අනතුරින් බරපතල තුවාල ලැබූ යතුරු පැදිකරු හෝමාගම මූලික රෝහලට ඇතුළත් කිරීමෙන් පසු මිය ගොස් ඇතැයි කොට්ටාව පොලිසිය පවසයි
මියගිය යතුරුපැදිකරු පන්නිපිටිය දෙස සිට කොට්ටාව දෙසට යතුරුපැදියෙන් වේගයෙන් ගමන් කිරීම නිසාවෙන් යතුරුපැදිය පාලනය කර ගත නොහැකිව නවතා තිබූ බහලුම් රථයෙහි පිටුපස ගැටීමෙන් මෙම අනතුර සිදුව ඇතැයි සිදුකළ මූලික පරීක්ෂණයේදී අනාවරණය වූ බවද පොලිසිය පවසයි
මෙලෙස මියගොස් ඇත්තේ පන්නිපිටිය බ්‍රාහ්මණගම ප්‍රදේශයේ පදිංචිකරුවකු වන හතලිස් පස් හැවිරිදි පුද්ගලයෙකි
අනතුර සිදු වූ බහාලුම් රථයේ රියැදුරු සැකපිට අත්අඩංගුවට ගත් බවත් සැකකරුවෝ අධිකරණයට ඉදිරිපත් කරන බවත් පොලිසිය පවසයි
