(තිලකරත්න දිසානායක සහ උපාලි රණවීර)
නිවාසවලට ඇතුලුවී දේපල කොල්ලකා කාන්තාවන්ට ලිංගික අතවර කළ බව කියන පුද්ගලයන් දෙදෙනකු අත් අඩංගුවට ගනු ලැබූ බව මල්වතුහිරිපිටිය පොලීසිය සඳහන් කරයි.
මොවුන් දෙදෙනා අවුරුදු 21 සහ 48 වයසෙහි පසුවන්නවුන් වන බවත් කාන්තාවගේ පළමු විවාහයේ පුතෙකු සහ දෙවන සැමියා වන අතර මොවුන් දෙදෙනා එක්ව මංකොල්ල කෑම් සිදු කරමින් කාන්තාවන්ට අතවර කොට ඇති බව අනාවරණය වී යැයි පොලීසිය පවසයි.
කිරිබත්ගොඩ ප්‍රදේශයේ පදිංචිව සිටිමින් මංකොල්ල කෑමේ සිද්ධීන් හතරක් සිදු කොට ඇති බවත් මල්වතුහිරිපිටිය පොලිස් වසමේ ඥාතී නිවසක රැදී සිටිමින් මල්වතුහිරිපිටිය සහ වැලිවේරිය පොලිස් වසම්වලදී කාන්තාවන්ට අතවර කොට ඇත.
මෙම සිද්ධීන් සැලවීමත් සමග අවට ප්‍රදේශයන්හි වැසියන් පවා දැඩි භීතියට පත්ව සිට ඇති අතර මංකොල්ලකරුවන් අත් අඩංගුවට ගැනීම පිනිස දැඩි උත්සාහයක යෙදී සිටියදී පෙරේදා අලුයම කහටාන ප්‍රදේශයේදී සැක සහිත පුද්ගලයන් දෙදෙනෙකු අත් අඩංගුවට ගැනීමට හැකිවූ බවත් නින්ජා ඇදුමින් සැරසී සිටි මොවුන්ගෙන් ප්‍රශ්න කිරීමේදී පොලීසියට අවශ්‍යව සිටියේ මොවුන් බවත් අනාවරණයවු බවත් පොලීසිය පවසයි.
සැකකරුවන් අත් අඩංගුවට ගෙන ප්‍රශ්න කිරීමේදී කොල්ලකන ලද රන් භාණ්ඩ කිහිපයක්ද සොයාගෙන ඇත.
