(දඹුල්ල කාංචන කුමාර අරියදාස)
රාජකාරිය සදහා නිවසකට ගිය පොලිස් සැරයන්වරයෙකු නිවසකට දමා දොරවල් වසා හිරිහැර කොට රාජකාරියට බාධා කොට ජංගම දුරකතනයේ දත්ත මකා දැමු බව කියන දියණියක සහ පියෙකු සොයා පුළුල් විමර්ශනයක් ආරම්භ කොට ඇතැයි ගලේවෙල පොලිසිය කියයි.
ගලේවෙල පොලිසියට අනුබද්ධව සේවය කරන පොලිස් සැරයන්වරයෙකු ඊයේ ( 06) පස්වරුවේ වැට ඉමක ආරවුලක් සම්බන්ධයෙන් පැමිණිල්ලක් විභාග කිරීමට ගලේවෙල වහකෝට්ට ප්‍රදේශයට ගොස් තිබේ.
එක් පාර්ශවයක් එ වන විටත් පොලිසියට පැමිණ තිබීම නිසා අනෙක් පාර්ශවයට පොලිසියට පැමිණීම සඳහා දැනුවත් කිරීමට මෙම පොලිස් නිලධාරියා ආරවුල් ඇති අනිත්පාර්ශවය හමුවීමට ගොස් ඇත.
එහිදීම ආරවුලට තුඩු දී ඇති බව කියන වැට මායිම සහ වැට කණු පිළිබඳව අවබෝධයක් ලබා ගැනීමට පොලිස් නිලධාරියා තම ජංගම දුරකථනයෙන් එම වැටමායින් සහ සිටුවා ඇති කණු ඡායාරූප සහ වීඩියෝ කිහිපයක් ලබා ගැනීම සිදුකර ඇතැයි පොලිසිය කියයි.
පසුව ඊට උරණ වූ පියා සහ දියණිය එක්ව පොලිස් නිලධාරියාට තරවටු කොට නිවස තුළට රැගෙන ගොස් දොරවල් වසා දමා ඔහුට මානසීය වද හිංසා ලබා දෙමින් පොලිස් නිලධාරියා සතු ජංගම දුරකථනය ලබාගෙන දියණිය එහි සියලු දත්තයන් මකා දමා ඇතැයි පොලිසිය කියයි.
දේශයේ ඌරන් ගොවිපලක් පවත්වාගෙන යන මෙම පුද්ගලයා තමන් සිර කරගෙන වද හිංසා දෙන බවට ඔහු නිවස තුළ සිට කෑ ගැසීමත් සමඟ ප්‍රදේශවාසීන් මේ බව ගලේවෙල පොලිසියට දැනුවත් කිරීමෙන් අනතුරුව පොලිසිය එම ස්ථානයට ගොස් පැමිණිල්ල විභාගය සඳහා ගියා නිවස තුළ සිරකරගෙන සිටි පොලිස්සැරෙන්වරයා බේරාගෙන තිබේ.
එම අවස්ථාවට පොලිසිය යනවිටත් දියණිය සහ පියා ප්‍රදේශයෙන් පලා ගොස් ඇතැයි ගලේවෙල පොලිසිය සඳහන් කළේය.
