රටේ ජාතික ආරක්ෂාව සම්බන්ධයෙන් ප්‍රකාශයක් නිකුත් කළ බව කියන පුරවැසි බලය සංවිධානයේ කැඳවුම්කරු සමන් රත්නප්‍රිය මහතා අද (14) කොළඹ විශේෂ විමර්ශන ඒකකයට පැමිණ ප්‍රකාශයක් ලබාදුන්නේය.
සමන් රත්නප්‍රිය මහතා සමඟ පුරවැසි බලය සංවිධානයේ සාමාජිකයන් වන මහාචාර්ය සරත් විජේසූරිය සහ ගාමිණී වියන්ගොඩ යන මහත්වරු විශේෂ විමර්ශන ඒකකයට පැමිණි අතර ඔවුන්ගෙන් ද ප්‍රකාශ සටහන් කරගෙන ඇත.
රත්නප්‍රිය මහතා ඉකුත් 6 වැනිදා පැවති මාධ්‍ය හමුවකදී රටේ ජාතික ආරක්ෂාවට තර්ජනයක් වන ආකාරයේ ප්‍රකාශයක් කළ බවට පිවිතුරු හෙළ උරුමයේ ප්‍රධාන ලේකම් උපුල් නිශාන්ත මහතා පොලිස් මූලස්ථානයට පැමිණිල්ලක් කර තිබිණි.
(ඡායාරූප හා විඩීයෝ - ගයාන් අමරසේකර)
