( රංජිත් රාජපක්ෂ )                     

තලවකැලේ , මඩකුඹුර වත්තේ ගසක නැග අතු කැපිමට ගිය පුද්ගලයෙකුට ගස මත සිටියදි එල්ල වු බඹර ප්‍රහාරයකින් ගස මතින් පහලට ඇද වැටි ජිවිතක්ෂයට පත් වි ඇති බව තලවකැලේ පොලිසිය පැවසිය.

මෙසේ ගස මතින් ඇද වැටි ජිවිතක්ෂයට පත් වි ඇත්තේ එම වතුයායේම පදිංචි එන්.කනකේෂ්වරන් (31) හැවිරිදි එක්දරු පියෙකි.

ජිවිතක්ෂයට පත් පුද්ගලයා තවත් පුද්ගලයෙකු සමග අඩි 100 ක් පමණ උසැති ගාන්ඩිස් වර්ගයේ ගසකට නැග දර සදහා ගසෙහි අතු කපමින් සිටියදි ගසේ බැද තිබු බඹර කුඩුවක් ඇවිස්සි අතු කපමින් සිටි පුද්ගලයාට සහ ගස පාමුල සිටි පුද්ගලයාට පහර දි තුවාල සිදු කර ඇත.

බඹර ප්‍රහාරයෙන් තුවාල ලැබු අනෙක් පුද්ගලයා ලිදුල ප්‍රාදේශිය රෝහල වෙත ඇතුලත් කර ඇත.