( එච්.චන්දන )
පුත්තලම් දිස්ත්‍රික්කයෙන් 2024 පාර්ලිමේන්තු මැතිවරණය වෙනුවෙන් නාම යෝජනා පත්‍ර වල හිටපු කැබිනට් ඇමති,රාජ්‍ය ඇමති සහ පාර්ලිමේන්තු මන්ත්‍රීවරුන් කීප දෙනෙකුට නාම යෝජනා අහිමිවී ඇති බව දක්නට ලැබේ.
ඉකුත් පාර්ලිමේන්තු මැතිවරණයට ඉදිරිපත්ව එයින් පාරාජය වු වර්ථමාන එක්සත් ජාතික පක්ෂ මහා ලේකම් පාලිත රංගේ බණ්ඩාර මහතා මෙවර අපේක්ෂකත්වයක් නොලැබී ඇත.
වෙන්නප්පුව හිටපු ආමත්‍යය පෙස්ටස් පෙරේරා මහතා ගේ පුත් සමගි ජන බලවේගය පක්ෂයේ හිටපු පාර්ලිමේන්තු මන්ත්‍රී නිරෝෂන් පෙරේරා මහතාට , හලාවත හිටපු ආමත්‍යය එස්.ඩි.ආර් ජයරත්න මහතාගේ පුත් හිටපු නියෝජ්‍ය කථානායකු හා පොදු ජන පෙරමුණ පක්ෂයෙන් පාර්ලිමේන්තුව නියෝජනය කළ හිටපු කැබිනට් ඇමතිවරයෙකු වන ප්‍රියකංර ජයරත්න මහතාටද මෙවර කිසිදු පක්ෂයකින් නාම යෝජනා අවස්ථා නොලැබී ගොස් තිබේ.
පසුගිය ජනාධිපතිවරණයේදී ප්‍රියංකර ජයරත්න මහතා නව ප්‍රජාතන්ත්‍රවාදී පෙරමුණ පක්ෂයේ අපේක්ෂයා දිනවීම සදහා පුත්තලම දිස්ත්‍රික්කයේ නායකත්වය ගෙන කටයුතු කළේය.
අවස්ථා කිහිපයකදී පාර්ලිමේන්තුව නියෝජනය දයාශ්‍රිත තිසේරා, ,ශාන්ත අබේසේකර,වික්ටර් ඇන්ටනි, හා ජනාධිපති වර්ණය අවස්ථාවේ සමගි ජන බලවේගය පක්ෂයට සහය ලබා දුන් වයඹ පළාත් සභා මන්ත්‍රීවරයකු ලෙස කටයතු කල ආණමඩුව ආනන්ද සරත් කුමාර යන මහත්වරුන් මෙවර නාම යෝජනා කිසිදු පක්ෂයකින් හිමි වී නොමැති බව දක්නට ලැබේ.
ශ්‍රී ලංකා නිදහස් පක්ෂයෙන් පාර්ලිමේන්තුවට තේරී පත්වී පසුව පොදු ජන පෙරමුණ පක්ෂය සමග එක්ව දේශපාලණික කටයුතු වල නිරත වූ හිටපු කැබිනට් ඇමතිවරයෙකු වන දයාශ්‍රිත තිසේරා මහතාටද මෙවර පාර්ලිමේන්තු මැතිවරණයේදී නාම යෝජනා හිමිවී තිබුනේ නැත.දයාශ්‍රිත තිසේරා මහතා පසුගිය පාර්ලිමේන්තු මැතිවරණයෙන් පරාජයට පත්ව තිබුණි.පසුගිය ජනාධිපතිවරණයේදී ඔහු සමගි ජන බලවේගය පක්ෂයේ අපේක්ෂකයාට සහාය දැක්වීම සදහා ඉදිරිපත් වී සිටියේය.
සමගි ජන බලවේගයේ හිටපු පාර්ලිමේන්තු මන්ත්‍රීවරයකු වු ශාන්ත අබේසේකර මහතා පාර්ලිමේන්තු මැතිවරණය සදහා නාම යෝජනා පත්‍ර බාර නොදුන්නද,ඔහුගේ පුත්‍රායා වන හලාවත නගර සභාවේ හිටපු සභාපතිවරයා වු තුෂාන් චතුරංග අබේසේකර මහතා සමගි ජන බල වේගයෙන් මෙවර පාර්ලිමේන්තු තරගයට ඉදිරිපත් වී සිටී.
පොදු ජන පෙරමුණේ හිටපු පාර්ලිමේන්තු මන්ත්‍රී පසුගිය ජනාධිපතිවරණයට ස්වාධීන අපේක්ෂකයෙකු ලෙස තරග කළ හලාවත වික්ටර් ඇන්ටනී බියන්වල මහතා ඉකුත් ජනාධිපතිවර්ණයේදී සමගි ජනබලවේගය පක්ෂයේ අපේක්ෂකයා දිනවීම සදහා කටයුතු කළ බවක් දක්නට ලැබුණත් ඒ මහතාටද නාම යෝජනා හිමිවුයේ නැත.
ශ්‍රී ලංකා නිදහස් පක්ෂයේ ආණමඩුව ආසන සංවිධායකවරයා ලෙස කටයුතු කල හිටපු වයඹ පළාත් සභාවේ හිටපු මන්ත්‍රීවරයෙකු වන ආනන්ද සරත් කුමාර මහතා ඉකුත් ජනාධිපතිවරණයේදී සමගි ජන බගලවේගය පක්ෂයේ අපේක්ෂකයා ගේ ජයග්‍රහණය වෙනුවෙන් කටයුතු කළ අයෙකි.ආනන්ද සරත් කුමාර මහතාට නාම යෝජනා හිමිවී නොතිබිණි.
මේ අතර හිටපු රාජ්‍ය ඇමතිවරයකු හා ශ්‍රී ලංකා පොදු ජන පෙරමුණේ පුත්තලම් දිස්ත්‍රික් නායකයා වු රිය අනතුරකින් ජීවිත්කෂයට පත් සනත් නිශාන්ත පෙරේරා මහතාගේ බිරිද වු නිතිඥ චමරී ප්‍රියංකා මහත්මිය ශ්‍රී ලංකා පොදු ජන පෙරමුණේ පුත්තලම් දිස්ත්‍රික් කණ්ඩායම් නායිකාව ලෙස සිය නාම යෝජනා පත්‍ර භාර දෙන ලදී.
