ශ්‍රී ලංකා යුද්ධ හමුදාවේ 72 වන සංවත්සරය 2021 ඔක්තෝබර් 10 දිනට යෙදී ඇති අතර ඒ නිමිති කරගනිමින් මියගිය රණවිරුවන් සිහිකිරීමේ වැඩසටහනක් ආරක්ෂක මාණ්ඩලික ප්‍රධානී සහ යුද හමුදාධිපති ජෙනරාල් ශවේන්ද්‍ර සිල්වා මහතාගේ ප්‍රධානතත්වයෙන්, බත්තරමුල්ල, ශ්‍රී ජයවර්ධනපුර පිහිටි රණවිරු ස්මාරකය අභියස දී අද (5) පැවැත්විණි.

එහිදී ශ්‍රී ලංකා යුද හමුදාවේ මියගිය රණවිරුවන් සිහිකර රණවිරු ස්මාරකය වෙත පුෂ්පෝහාර දැක්වීම සිදුවිය.

යුද හමුදාවේ ජ්‍යෙෂ්ඨ සහ කනිෂ්ඨ නිලධාරීන් ඇතුළු පිරිසක් මෙම අවස්ථාවට සහභාගී වූ අතර කොවිඩි 19 පැතිරීම වැළැක්වීමේ සෞඛ්‍ය ප්‍රතිපත්තිවලට අනුකූලව එම කටයුතු සංවිධානය කර තිබිණි.

ඡායාරූපය -- ශාන්ත රත්නායක