(ඩයනා උදයංගනී)
ජනාධිපති මන්දිරය, ජනාධිපති ලේකම් කාර්යාලය සහ අරලියගහ මන්දිරය මහ ජනතාවට නැරඹීම සඳහා විවෘත කිරීමෙන් පසු ඒවා නැරඹීමට පැමිණෙන පිරිස් ඒවායේ ඇති පෞරාණික වස්තූන්ට මෙන්ම ගෘහ භාණ්ඩ ආදියට හානි කර තිබෙනු ද දක්නට ලැබිණි.
ජනාධිපති මන්දිරයේ ඇති දේපල රාශියක් මේ වන විටත් විනාශ වී ඇත.
මෙම ස්ථාන නරඹන අතරතුර එහි ඇති දේවලට හානි නොකරන ලෙස අරගලකරුවන් තැන් තැන්වල පුවරු පවා ප්‍රදර්ශනය කර තිබුණත් ඇතැම් පිරිස් ඒවා නොතකා කටයුතු කරමින් සිටිති.
ඓතිහාසික උරුමයන් ද සහිත මෙම ස්ථානවල ඇති දෑ විනාශ කිරීම නිසා අනාගත පරපුරට ඒවා දැක ගැනීමට ඇති අවස්ථාව අහිමි වන බවට ඇතැම් පිරිස් චෝදනා ද කළහ.
(ඡායාරූප: හිමත් මතීෂ)
(ඡායාරූප: ජයමාල් චන්ද්‍රසිරි)
