‘අවුරුදු තුනක් තිස්සේ කරගෙන ආ වැඩපිළිවෙල ඉදිරියට ගෙන යන්න මාස දෙකකට පසු නැවත අවස්ථාව ලැබී තිබෙනවා‘ යැයි රාජ්‍ය ආරක්ෂක රාජ්‍ය ඇමැති රුවන් විජයවර්ධන මහතා අද (24) පැවසීය.
ඔහු මේ බව පැවසූයේ රාජ්‍ය ආරක්ෂක රාජ්‍ය ඇමැති ලෙස වැඩ භාරගැනීමෙන් අනතුරුව මාධ්‍ය වෙත අදහස් දක්වමිනි.
මහාසංඝරත්නයේ ආශිර්වාදයෙන් අනතතුරුව විජයවර්ධන මහතා වැඩ භාරගත්තේය.
එහිදී තවදුරටත් අදහස් දැක්වූ විජේවර්ධන මහතා මෙසේද පැවසීය.
"මාස දෙකකට විතර පස්සේ හිටපු අමත්‍යාංශයේම රාජ්‍ය ආරක්ෂක අමාත්‍යවරයා ලෙස නැවත වැඩ භාරගන්න ලැබීම ගැන සතුටු වෙනවා. අපි අවුරුදු තුනක් තිස්සේ කරගෙන ආ වැඩපිලිවෙල රටේ ආරක්ෂාවට මුල්තැන දීලා කරගෙන යන්න මම බලාපොරොත්තු වෙනවා. ත‍්‍රිවිධ හමුදාවේ අවශ්‍යතාවයන් සැළකිල්ලට අරන් ඔවුන්ගේ ප‍්‍රශ්නවලට පුළුවන් තරම් ඉක්මනින් විසඳුමක් ලබාදෙන්නත් බලාපොරොත්තු වෙනවා.
එදාට වඩා අද දේශපාලන වාතාවරණය ගොඩක් වෙනස්වෙලා. අපි කලින් පක්ෂ ගණනාවක එකතුවක් ලෙස ජාතික ආණ්ඩුවක් හැටියටයි කටයුතු කළේ. එහෙත් දැන් තිබෙන්නේ එක්සත් ජාතික පෙරමුණ විතරක් ඉන්න ආණ්ඩුවක්. දැන් ජාතික ආණ්ඩුවක් නැහැ. ජනාධිපතිතුමාගේ ආශිර්වාදය හා මගපෙන්විමත් අගමැතිතුමාගේ නායකත්වය හා උපදෙස් අනුවත් මගේ රාජකාරිය කරන්න බලාපොරොත්තු වෙනවා. "
((මුදිතා දයානන්ද - ඡායාරූප - ජයමාල් චන්ද්‍රසිරි)
