(විමුක්ති එස්. රුද්‍රිගු)
රුසියාවේ රෝහලක බිම් මහලේ ජීවත්වූ කිලෝ ග්‍රෑම් 17 ක් බර යෝධ පූසෙක් එරට සතුන්ට ආදරය කරන පිරිසක් විසින් ඉකුත්දා සොයාගනු ලැබීය.
ක්‍රෝෂික් නම් මෙම පූසා සොයා ගන්නා අවස්ථාවේදී අධික තරබාරුව හේතුවෙන් ඇවිද ගැනීමට පවා නොහැකිව සිට ඇතැයි පැවැසෙයි.
කෙටි ආහාර කෑමට ඇති දැඩි කැමැත්ත හේතුවෙන් ක්‍රොෂික් ලෙස එම පූසාට නම තැබීමට තීරණය කර බවත් ආහාර පාලනයත් ව්‍යායාමත් හේතුවෙන් ක්‍රොෂික්ට නැවත වතාවක් ඇවිදීමට හැකියාව ලැබී ඇති බවත් ක්‍රොෂික් මුදාගත් පිරිස ප්‍රකාශ කළේය. ක්‍රොෂික්ගේ තරබාරුව හේතුවෙන් පශු වෛද්‍යවරුන්ට අල්ට්‍රා සවුන්ඩ් පරීක්ෂණයක් කිරීමට නොහැකිවී ඇතැයි පැවැසෙයි.
ක්‍රෝෂික් පිළිබඳ තොරතුරු ඔහු මුදාගත මැට්‍රෝස්කින් නිවහන පසුගිය 30 වැනිදා එක්ස් සමාජ මාධ්‍ය ඔස්සේ බෙදා හදාගෙන ඇති අතර ක්‍රොෂික් ලොව තරබාරුම පූසන් පස්දෙනා අතරින් එක් පූසකු විය හැකි බව පවසා ඇත.
ක්‍රොෂික්ට ආදරේ වැඩිකමට ඔහුගේ ස්වාමියා ඇවිද ගැනීමට නොහැකි වන තෙක් ක්‍රොෂික්ට ආහාර දී ඇති බවත් මෙවැනි සිදුවීම් ඉතාමත් දුර්ලභ බවත් මැට්‍රෝස්කින් නිවහන ප්‍රකාශ කළේය.
