(ෂේන් සෙනෙවිරත්න )
මිරිහාන පොලිසියෙන් පැමිණි විශේෂ පොලිස් කණ්ඩායමක් විසින් හිටපු රාජ්‍ය අමාත්‍ය ලොහාන් රත්වත්තේ මහතා අත්අඩංගුවට ගෙන තිබේ .
අද (31) පෙරවරුවේ මහනුවරට පැමිණි එම පොලිස් කණ්ඩායම රත්වත්තේ මහතාට අයත් මහයියාව නිවස සම්පූර්ණයෙන් පරික්ෂාවට ලක් කිරීමෙන් අනතුරුව ඔහු අත්අඩංගුවට ගෙන තිබේ .
රත්වත්තේ මහතාගේ බිරිඳට අයත් යැයි කියන නුගේගොඩ මිරිහානේ ඇඹුල්දෙණිය ශාලාව පාරේ පිහිටි තෙමහල් නිවසක ගරාජයක් තුළ සඟවා තිබූ අංක තහඩු නොමැති, ලියාපදිංචි නොකළ, යතුරු නොමැති සුඛෝපභෝගී මෝටර් රථයක් අත්අඩංගුවට ගැනීමේ සිද්ධිය සම්බන්ධයෙන් ප්‍රශ්න කිරීම සඳහා ඔහු එසේ අත්අඩංගුවට ගෙන තිබේ .
