(මනෝප්‍රිය ගුණසේකර)
මිරිහානේ සිය බිරිඳගේ නිවසේ තිබී ලියාපදිංචි නොකළ මෝටර් රථයක් සොයා ගැනීමේ සිද්ධියට අදාළව සැකපිට අත්අඩංගුවට ගෙන රක්ෂිත බන්ධනාගාර ගත කර සිටින තමා ඇප මත මුදා හරින්නැයි ඉල්ලා හිටපු රාජ්‍ය ඇමති ලොහාන් රත්වත්ත මහතා ගොනු කළ පෙත්සම සම්බන්ධයෙන් ලබන 19 වැනිදා කරුණු දක්වන ලෙස එහි වගඋත්තරකරුවන් ලෙස නම් කර සිටින පොලිස්පතිවරයා ඇතුළු පිරිසට අභියාචනාධිකරණය අද (11) නොතිසී නිකුත් කළේය.
පෙත්සම මුලින්ම අභියාචනාධිකරණ විනිසුරුවරුන් වන සෝභිත රාජකරුණා සහ මහේන් ගොපල්ලව යන මහත්වරුන්ගෙන් සැදුම්ලත් විනිසුරු මඩුල්ල හමුවේ කැඳවනු ලැබු අතර එම විනිසුරු මඩුල්ලේ සාමාජික විනිසුරු මහේන් ගොපල්ලව මහතා මෙම නඩු විභාගයෙන් ඉවත් වන බව දැනුම් දීමෙන් අනතුරුව පෙත්සම අභියාචනාධිකරණයේ සභාපති විනිසුරු නිශ්ශංක බන්ධුල කරුණාරත්න සහ ශෂී මහේන්ද්‍රන් යන මහත්වරුන්ගෙන් සමන්විතය අභියාචනාධිකරණ විනිසුරු මඩුල්ල හමුවේ සලකා බැලීණි.
හිටපු රාජ්‍ය ඇමති ලොහාන් රත්වත්ත මහතා ගොනු කළ පෙත්සමේ වගඋත්තරකරුවන් වශයෙන් අපරාධ පරරීක්‍ෂණ දෙපාර්තමෙන්තුව, නීතීපතිවරය ඇතුලු පිරිසක් නම් කර ඇත.
පෙත්සම කැඳවු අවස්ථාවේදී පෙත්සම්කාර ලොහාන් රත්වත්තේ මහතා වෙනුවෙන් පෙනී සිටි ජනාධිපති නීතිඥ සංජේ රාජරත්නම් මහතා කරුණු දක්වමින් මිරිහාන ශාලාව පාරේ නිවසක ලියාපදිංචි නොකළ මෝටර් රථයක් ඇති බවට පසුගිය ඔක්තෝබර් 25 වැනිදා මිරිහාන පොලිසියට ලැබුණු නිර්නාමික දුරකථන ඇමතුමක් මත මෙම විමර්ශනය ආරම්භ වී ඇතැයි පැවසීය.
