(ජයරත්න වික්‍රමාරච්චි සහ හිරාන් ප්‍රියංකර )
පුත්තලම අනුරාධපුර මාර්ගයේ කරුවලගස්වැව මී ඔය පාලම ආසන්නයේදී වාහනයක ගැටීමෙන් වන අලි පැටවකු අනතුරට ලක්වී ඇති බව කරුවලගස්වැව වනජීවී කාර්යාලය කියයි .
වයස අවුරුදු 4 ක් පමණ වන බව පැවසෙන මෙම අලි පැටවා අලුයම කාලයේදී අලි රංචුව සමග පාර මාරුවෙමින් සිටියදී මෙම අනතුර සිදුවන්නට ඇති බවට වනජීවී කාර්යාලය විශ්වාස කරයි.
වාහනයේ ගැටුණු අලි පැටවාගේ තත්ත්වය බරපතල බවත් ඒ අනුව එම සතාට අවශ්‍ය ප්‍රතිකාර ලබාදීම සදහා අවශ්‍ය පියවර ගත් බවත් වනජීවී කාර්යාලය වැඩිදුරටත් පැවසීය .
