(ඉන්දික අරුණ කුමාර සහ රුමේෂ් එම්.වීරසේකර  )

මොරගහකන්ද ජලාශයට ආසන්නව ගිරිතලේ - ඇළහැර අභයභූමියේ සැරිසරමින් සිටි  ඇත් පැටවකු දඩයක්කරුවෙකුගේ   වෙඩි පහර කිහිපයකින් මියගොස් ඇතැයි  ඇළහැර වනජීවී කාර්යාලය සඳහන් කරයි.

මොරගහකන්ද - කළුගග මාර්ගයේ ජලාශයට කිලෝමීටර් දෙකක් පමණ ආසන්නයේ  මාර්ගය අසළ  මියගොස් සිටියදී මෙම ඇත් පැටියා හමු වූ බව ඇළහැර අඩවි ආරක්ෂක කාර්‍යාලය සඳහන් කළේය.

වෙඩි පහරවලට ලක්ව මියගොස් ඇත්තේ අවුරුදු 6-8 ක් පමණ වයසැති ඇත් උස අඩි 6ක් පමණ වන කුඩා ඇත්  පැටියෙකු  බවත්  එම ඇත් පැටවාගේ හිසට වෙඩි පහර 08ක් පමණ තබා ඇති බවට  තහවුරු වී ඇති බවත් ඇලහැර අඩවි වනජීවී කාර්යාලයේ වනජීවී නිලධාරීන් කියයි.

(ඡායාරූපය -රුමේෂ් වීරසේකර)