(අංජුල මහික වීරරත්න)
ඉදිරි මහ මැතිවරණය සඳහා තමා ඉදිරිපත් නොවන බව හිටපු මුදල් රාජ්‍ය අමාත්‍ය ශෙහාන් සේමසිංහ මහතා පවසයි.
මැතිවරණයට ඉදිරිපත් නොවුනත් දේශපාලන කටයුතුවලින් ඉවත් නොවන බවද තමා ගැන විශ්වාසය තැබූ අනුරාධපුර ජනතාව වෙනුවෙන් ඉදිරියටත් සේවය කරන බවද සේමසිංහ මහතා සඳහන් කරයි.
ආර්ථික ප්‍රතිසංස්කරණ හඳුන්වා දෙමින් ණය තිරසර බව ඇති කිරීමට අවශ්‍ය දිව් පාර්ශවික හා ජාත්‍යන්තර ස්වෛරීත්ව බැඳුම්කර හිමියන් සමඟ ණය ප්‍රතිව්‍යුහගතකරණ ක්‍රියාවලිය අවසන් කරමින් ළඟා කරගත් ජයග්‍රහණ ගැන නිහතමානීව ආඩම්බර වන බව පවසන සේමසිංහ මහතා රටේ ජනතාවගේ ආර්ථික හා දේශපාලන කියැවීම වෙනස් එකක් බව ජනපතිවරණ ප්‍රතිඵල වලින් මනාව ඔප්පු වී තිබෙන බවද සඳහන් කරයි.
