(සමිපත් ප්‍රියනන්දන සහ නාලක ජේ හෙට්ටිආරච්චි)
ශ්‍රී ලංකා සබරගමුව විශ්වවිද්‍යාලයේ දැනට පවතින නේවාසිකාගාර ගැටලුව සහ තවත් ගැටලු කිහිපයක් මුල් කරගනිමින් මහා ශිෂ්‍ය සංගමය නියෝජනය කරන සිසුන් පිරිසක් අද (29) දා රාත්‍රියේ කොළඹ බදුල්ල ප්‍රධාන මාර්ගයේ පඔහින්න මංසන්ධියේදි එක් මංතිරුවක් අවහිර කරමින් පන්දමි දල්වමින් විරෝධතාවයක නිරත වුහ.
විරෝධතා කරුවන් විවිධ සටන්පාඨ කියමින් සබරගමුව විශ්වවිද්‍යාලයේ ප්‍රධාන පිවිසුම අසල සිට පන්දමි දල්වමින් පා ගමනින් පඔහින්න මංසන්ධියට පැමිණ එහිදී විරෝධතාවය ආරම්භ කලහ.
එම සිසුන් පවසා සිටියේ ශ්‍රී ලංකා සබරගමුව විශ්වවිද්‍යාලයේ නේවාසිකාගාර ගැටලුව දිර්ඝ කාලයක සිට පවතින බවයි.
