(ගයාන් සූරියආරච්චි සහ කීර්ති ප්‍රනාන්දු)

මිනුවන්ගොඩ ප්‍රදේශයේ ස්පා ආයතනයකින් මුදල් කොල්ලකෑම සදහා තියුණු ආයුධ රැගෙන මෝටර් රථයකින් අද (14) අලුයම පැමිණි සිවුදෙනකු සහ ස්පා ආයතනයේ සිටි පිරිසක් අතර ඇති වූ ගැටුමකින් කොල්ලකරුවන් දෙදෙනකු සහ එම ආයතනයේ සිටි පුද්ගලයකු තුවාල ලබා රෝහල්ගත කර ඇති බව මිනුවන්ගොඩ පොලිසිය පවසයි.

තුවාල ලැබූ කොල්ලකරුවෝ දෙදෙනා ගම්පහ මහ රෝහලට ඇතුළත් කර ඇති අතර ඔවුහු පොලිස් අත්අඩංගුවේ පසුවෙති.

අත්අඩංගුවට ගත් සැකකරුවන් දෙදෙනා කළුඅග්ගල සහ මල්වාන ප්‍ර දේශවල පදිංචි අවුරුදු 28 සහ 30 වයස්වල පසුවන පුද්ගලයන් දෙදෙනකු බව පොලිසිය කියයි.

එම ගැටුමේදී කැපුම් තුවාල ලැබූ ස්පා ආයතනයේ සිටි පුද්ගලයකු කොළඹ ජාතික රෝහලට ඇතුළත් කර ඇති බවද පොලිසිය කියයි.