(අංජුල මහික වීරරත්න)
නව ප්‍රජාතන්ත්‍රවාදී පෙරමුණ (හංසයා) පක්ෂයේ සහය ජනාධිපතිවරණයේදී රනිල් වික්‍රමසිංහ මහතාට ලබා දීමට තීරණය කර තිබේ.
කොළඹ නිපොන් හෝටලයේ දී මාධ්‍ය හමුවක් කැඳවමින් නව ප්‍රජාතන්වාදී පෙරමුණේ ලේකම් ශාමලී පෙරේරා මහතා පැවැසුයේ තම පක්ෂය පසුගිය ජනාධිපතිවරණ තුනේදී ම ප්‍රධාන අපේක්ෂකයන් තිදෙනකු සදහා නාමයෝජනා ලබාදුන් පක්ෂය බවයි.
2015 වසරේදී තම පක්ෂය නාමයෝජනා ලබාදුන් පොදු අපේක්ෂකයා ජයග්‍රහණය කළ බව ලේකම්වරයා කීය.
රට ඉදිරියට ගෙනයාම සඳහා සිටින එකම අපේක්ෂකයා රනිල් වික්‍රමසිංහ මහතා බව ඉතා පැහැදිලි හෙයින් මෙම තීරණය ගත් බව ද පෙරේරා මහතා සඳහන් කළේය.
