(පුෂ්පකුමාර මල්ලවආරච්චි)
නිසි අවසරයකින් තොරව මීරිගම නගරයේ විදේශ රැකියා නියෝජිත ආයතනයක් පවත්වාගෙන ගිය පුද්ගලයෙක් විදේශ කටයුතු අමාත්‍යාංශයේ නිලධාරීන් විසින් අද අත්අඩංගුවට ගෙන මීරිගම පොලිසිය වෙත භාරදෙනු ලැබීය.
මෙම ආයතනය මගින් ඩුබායි රාජ්‍යයේ රැකියා ලබාදීම සඳහා වීසා පත් නිකුත් කර ඇතැයි ද මෙම ආයතනය 2024 වර්ෂයේ ඔක්තෝම්බර් මස ආරම්භ කර ඇති බවට තොරතුරු අනාවරණය වී ඇතැයි විදේශ කටයුතු අමත්‍යාංශයේ නිලධාරීන් හෙළි කළේය .
මෙම අනවසර රැකියා නියෝජිත ආයතනය පිළිබඳව විදේශ කටයුතු අමත්‍යාංශයට ලැබී ඇති පැමිණිලි අනුව සිදු කෙරුණු විමර්ශනයක් මත මෙම වැටලීම සිදු කරනු ලැබ ඇත. අත් අඩංගුවට ගැනුණු සැකකරු මීරිගම පොලිස් ස්ථානයේ රඳවා තැබීමට විදේශ කටයුතු අමාත්‍යාංශයේ විමර්ශන නිලධාරීන් විසින් පියවර ගත් අතර මෙම සැකකරු හෙට අත්තනගල්ල මහේස්ත්‍රාත් අධිකරණයට ඉදිරිපත් කිරීමට නියමිතය.
