Rocell නවෝත්පාදනය සහ නිෂ්පාදනයේ විශිෂ්ටත්වය ඉහළ නංවාලීම වෙනුවෙන් හොරණ ප්‍රදේශයේ පිහිටා තිබෙන සිය කර්මාන්තශාලාව පුළුල් කිරීමට පියවර ගෙන තිබේ. මෙමඟින් Rocell හි දෛනික නිෂ්පාදන ධාරිතාවය වශාල ප්‍රමාණයකින් වර්ධනය කර ගැනීමට මෙන්ම 1000mm x 1000 mm, 1200 mm x 800mm x, සහ 800 mm x, 800 mm, ඇතුළු විශාල ටයිල් රැසක් හඳුන්වා දීමට හැකියාව ලැබෙනු ඇතැයි එම සමාගම සඳහන් කරයි.
Rocellසතු අන්තර්ජාතික ප්‍රමිතිගත තාක්‍ෂණය, තාක්ෂණික නිපුණතාවෙන් පොහොසත් සේවක මණ්ඩලය, අතිනවීන යන්ත්‍රෝපකරණ මෙන්ම නවීන නිෂ්පාදන සඳහා ආයෝජනය කිරීමේ හැකියාවෙන් Rocellනිෂ්පාදනවල අසමසම නිර්මාණශීලීත්වය සහ සුවිශේෂී ගුණාත්මකභාවය සහතික කෙරේ. එමෙන්ම දශක තුනකට වඩා දිගු කලක් Rocellමෙරට ගොඩනැගිලි ද්‍රව්‍ය නිෂ්පාදන ක්ෂේත්‍රය තුළ උසස් තත්ත්වයේ ටයිල් සහ නාන කාමර උපාංග නිෂ්පාදකයා ලෙස ඉහළ පාරිභෝගික විශ්වාසයක් සහ කීර්තියක් දිනාගෙන ඇති අතර ජාත්‍යන්තර මට්ටමේ නිර්මාණ ශිල්පීන්ගේ දායකත්වයෙන් Rocell නිෂ්පාදනවල උසස් තත්ත්වයට වැඩි වටිනාකමක් එකතු කර ඇත.
මේ පිළිබඳව අදහස් දක්වමින් Rocellහි නිෂ්පාදන අධ්‍යක්ෂ නන්දජිත් සෝමරත්න මහතා මෙසේ සඳහන් කළේය. ”හොරණ ප්‍රදේශයේ පිහිටා තිබෙන අපගේ Rocellකර්මාන්තශාලාව තවදුරටත් පුළුල් කිරීමට පියවර ගැනීම Rocell සතු විශිෂ්ටත්වය මැනවින් ප්‍රදර්ශනය කරන කදිම සාක්ෂියක් වන බැවින් මෙම කර්මාන්තශාලාව පුළුල් කිරීමේ ක්‍රියාවලිය ගැන අප බොහෝ සතුටු වෙනවා. නිෂ්පාදනවල උසස් තත්ත්වය සහ ගුණාත්මක බව පවත්වාගැනීම වෙනුවෙන් අප ආයතනය නිරන්තරයෙන් සුවිශේෂී අවධානයක් යොමුකරමින් කැපවී සිටිනවා. මෙම සෑම ක්‍රියාමාර්ගයක් ඔස්සේම අපගේ ගනුදෙනුකරුවන් වෙත හොඳම දේ ලබාදීමට අප බලාපොරොත්තු වන අතර එය නිසැකවම අප ආයතනයේ ඉලක්ක වෙත ගමන් කිරීමට තවත් වැදගත් පියවරක් වනු ඇතැයි අපි අපේක්ෂා කරනවා.”
හොරණ ප්‍රදේශයේ පිහිටි මෙම Rocell කර්මාන්තශාලාව පුළුල් කිරීමෙන් ටයිල් විලාසිතා නිෂ්පාදනයේ නව යුගයක ආරම්භය සනිටුහන් වන අතර එය දිවයින පුරා සිටින ඉහළ රසවින්දනයක් සහිත නිර්මාණශීලී පාරිභෝගිකයන්ට සිය සිතැඟි පරිදි ටයිල් විලාසිතාවන් තෝරා ගැනීම වෙනුවෙන් මහඟු අවස්ථාවක් උදාකරනු ඇත.
595
