(නිමල කොඩිතුවක්කු)
එක්සත් ජාතික පක්ෂ කෘත්‍යාධිකාරී මණ්ඩලයෙන් තමන් ඉවත් කළ බවට නිල වශයෙන් හෝ නොනිල වශයෙන් හෝ කිසිවක් දැනුම් දී නැතැයි පාර්ලිමේන්තු මන්ත‍්‍රී අජිත් පී.පෙරේරා මහතා කොළඹ දී අද (30) පැවසීය.
තමන් එක්සත් ජාතික පක්ෂ කෘත්‍යාධිකාරී මණ්ඩලයෙන ඉවත් කළ බවට දැනගත්තේ මාධ්‍ය මගින් බවත් ඒ පුවත හැර ඒ සම්බන්ධයෙන් වෙන කිසිවක් නොදන්නා බවද මන්ත‍්‍රීවරයා සඳහන් කළේය.
එක්සත් ජාතික පක්ෂ කෘත්‍යාධිකාරී මණ්ඩලයෙන් තමන් එලෙස ඉවත් කිරිමට කිසිඳු හේතුවක් නොමැති බවද කොළඹ, මාර්ක්ස් ප‍්‍රනාන්දු මාවතේ විපක්ෂනායක කාර්යාලයේ පැවති මාධ්‍ය හමුවකට එක්වෙමින් පෙරේරා මහතා පැවසීය.
පාර්ලිමේන්තු මන්ත‍්‍රීවරුන් වන අජිත් පී. පෙරේරා සහ ෆීල්ඩ් මාෂල් සරත් ෆොන්සේකා යන මහත්වරුන් එක්සත් ජාතික පක්ෂ කෘත්‍යාධීකාරී මණ්ඩලයෙන් ඉවත් කර ඇති බවට පළ වන වාර්තා සම්බන්ධයෙන් ඔහු මේ බව පැවසීය.
