(ඩි.ජී.සුගතපාල)
මහින්ද රාජපක්ෂ මහතා අගමැති කිරිමට තමා හදවතින්ම කැමති බවත් ඒ සදහා ඒකාබද්ධ විපක්ෂය සමඟ සිටීමට ඕනෑම වෙලාවක සුදානම් බවත් වරාය හා නාවික කටයුතු පිළිබඳ නියෝජ්‍ය අමාත්‍ය නිශාන්ත මුතුහෙට්ටිගම මහතා පැවසීය.
එමෙන්ම 2020 ත් ජනාධිපති මෛත්‍රිපාල සිරිසේන මහතා බවත් එය කිසිවෙකුටත් වෙනස් කළ නොහැකි බවත් සඳහන් කළේය.
ඒ මහතා මේ බව පැවසුවේ ගාල්ලේ අද(21) පැවති මාධ්‍ය හමුවකදිය.
එහිදි වැඩිදුරටත් අදහස් දැක්වු ඒ මහතා කියා සිටියේ 2015 මැතිවරණයෙන් ලැබුණු බලය කාලකන්නි විදියට පාවිච්චි කරමින් කැබිනට් ඇමති වරුන් නියෝජ්‍ය ඇමතිවරුන් කරන දුෂණ වංචා කොමිස් ගැහැලි නිසා යහපාලන ආණ්ඩුවේ නමටත් ලැජ්ජාවක් බවයි.
මේ වැරදි කරපු අයට පුලුවන් නම් දඩුවම් දෙන ලෙස අගමැතිවරයාට අභියෝග කරන බව පැවසු ඒ මහතා එක්සත් ජාතික පක්ෂයේ පසුපෙළ මන්ත්‍රිවරුන් රඳවා ගැනිමට වෙනම දිමනා සහ වාහන දිමට සිදුවු බවත් 2020 ජනාධිපතිවන්නේ මෛත්‍රිපාල සිරිසේන මහතා බවත් එහිදි හිස්වන අගමැති පුටුවට රට කරවිය හැකි නායකයෙකු අවශ්‍ය බවත් ඒ සඳහා සුදුස්සා මහින්ද රාජපක්ෂ මහතා බවත් කියා සිටියේය.
කුමාර වෙල්ගම මහතාගේ අදහස තමා අනුමත කරන බවද ඒ මහතාගේ ප්‍රකාශය හරියට හරි බවද මංගල සමරවිර මුදල් ඇමතිවරයාග් මිල සූත්‍රය මේ ආණ්ඩුව ගෙදර යවන එකක් බවද මුතුහෙට්ටිගම මහතා වැඩි දුරටත් කියා සිටියේය.
