(යොහාන් භාසුර)
ඉදිකිරීම් අංශයේ ශ්‍රී ලංකා ගැණුම් කළමණාකරුවන්ගේ දර්ශකය ලෙස හඳුන්වන ‘සමස්ත ක්‍රියාකාරකම් දර්ශකය’ පසුගිය වසරේ නොවැම්බර් මාසයේ සුළු වර්ධනයක් පිළිබිඹු කරන බව ශ්‍රී ලංකා මහ බැංකුව නිවේදනය කරයි.
‘සමස්ත ක්‍රියාකාරකම් දර්ශකය’ පසුගිය නොවැම්බර් මස දර්ශකාංක 51.4 ක් ලෙස වාර්තා වවූ බවත් එම මස තුළ පැවති අයහපත් කාලගුණික තත්වය හේතුවෙන් ඉදිකිරීම්කරුවන්ට සැලසුම් කළ වැඩකටයුතුවලට යම් බාධා වූ බව සමීක්ෂණයේදී හෙළිවූ බවත් මහ බැංකුව කියයි.
සමීක්ෂණයට ප්‍රතිචාර දැක්වූ බොහෛා් ඉදිකිරීම්කරුවන් සදහන් කළ පරිදි ඉදිකිරීම් ව්‍යාපෘතිවල ටෙන්ඩර් ඇගයීමේ ක්‍රියාවලිය තුළ වසර අවසානේ සිදුවූ මන්දගාමිත්වය හේතුවෙන් ඇනවුම් දර්ශකය නොවැම්බර් මාසයේ පහළ ගිය බවත් සමාගම් වසර අවසානයේදී බඳවාගැනීම් පිළිබඳව සැළකිළිමත්වීම නිසා එම තත්වය උදාවූ බවත් මහ බැංකුව සඳහන් කළේය.
නොවැම්බර් මාසය තුළ දී තොග මිලදී ගැණුම් ප්‍රමාණය පෙර මාසයට සමාන මට්ටමක පැවැතීම නිසා තොග මිලදී ගැනුම් දර්ශකය කඩඉම් මට්ටමේ පැවැති බවත් ඇනවුම් සැපයීමට සැපයුම්කරුවන් වැඩි කාලයක් ගෙන තිබූ බවත් ශ්‍රී ලංකා මහ බැංකුව වැඩි දුරටත් සඳහන් කරයි.
