(අංජුල මහික වීරරත්න සහ සිතුම් චතුරංග)
දේශපාලන සිරකරුවන් නීතිපති උපදෙස් මත නිදහස් කිරීමට කටයුතු කරන බව ජනාධිපති අනුර කුමාර දිසානායක මහතා වව්නියාවේදි අද පැවසීය.
රටේ සියලු ජනතාව එකතු කරන එකම බලවේගය ජාතික ජන බලවේගය බවද ජනාධිපතිවරයා කීය.
ජනාධිපති අනුර දිසානායක මහතා මේ බව කීවේ වවුනියාවේ පැවති ජනරැළිය අමතමිනි. විවිධ ආරක්ෂක හේතු මත ලබාගෙන තිබෙන උතුරේ ජනතාවගේ ඉඩම් නැවත ඔවුන් වෙත නිදහස් කිරීමට කටයුතු කරන බවද ජනාධිපතිවරයා මෙහිදී කීය.
උතුරේ ධීවර කර්මාන්තය රැක ගැනීම සඳහා ජාතික ජන බලවේග රජය කැපවී සිටින අතර පලමු අයවැයෙන්ම ධීවර ජනතාව සඳහා ඉන්ධන සහනාධාරයක් ලබා දෙන බවද ජනාධිපති අනුර දිසානායක මහතා කීය.
