(හසිත රංග ගුණතිලක)
මද්‍රසා පාසල් අහෝසි කර කාති උසාවි වෙනුවට රටම පොදු නීතියකට යටත් කරනු ලබන ජනාධිපති අපේක්ෂකයෙකුට එළඹෙන ජනාධිපතිවරණයේදී සහයෝගය ලබා දෙන බව පාර්ලිමේන්තු මන්ත්‍රී අතරලියේ රතන හිමියෝ රාජගිරියේදී අද (15) පැවැසූහ.
ඉස්ලාම් මූලධර්මවාදීන්ට යටත් වී ඇති වත්මන් ආණ්ඩුව එළඹෙන ජනාධිපතිවරණයේදී අනිවාර්යෙන්ම ගෙදර යවන බවද උන්වහන්සේ කීහ.
රාජගිරියේ පිහිටි සදහම් සෙවන බෞද්ධ මධ්‍යස්ථානයේ අද (15) පැවති මාධ්‍ය හමුවකදී රතන හිමියෝ මේ බව සඳහන් කළේය.
මේ ආණ්ඩුව දිය හැකි හොඳම දඬුවම නම් එළඹෙන ජනාධිපතිවරණයේදී ආණ්ඩුව පරාජය කිරීමයි යැයි රතන හිමියෝ වැඩිදුරටත් පැවැසූහ.
