(අංජුල මහික වීරරත්න)
ශ්‍රී ලංකාවේ ආර්ථිකය ස්ථාවර කිරීමට ඉවහල් වූ ජාත්‍යන්තර මූල්‍ය අරමුදලේ වැඩසටහනට කැපවන ලෙස නව පාලනයෙන් ඉල්ලා සිටින බව හිටපු මුදල් රාජ්‍ය අමාත්‍ය ශෙහාන් සේමසිංහ මහතා "එක්ස්" සටහනක් තබමින් පවසයි.
තම රජය වෙහෙස මහන්සි වී උපයාගත් ප්‍රගතිය ඕනෑම කඩාකප්පල්කාරී තීරණයක් නිසා අනතුරේ වැටිය හැකි බවද සේමසිංහ මහතා කියයි.
"දුෂ්කරම ආර්ථික අර්බුද මධ්‍යයේ ක්‍රියාත්මක වූ ප්‍රතිසංස්කරණ වැඩසටහන දැන් ඵල දරන බව දැකීම සතුටක්.අප රජයේ ප්‍රතිසංස්කරණ වැඩසටහන හේතුවෙන් එක්සත් ජනපද ඩොලරයේ විකුණුම් අගය 2023 ජූනි මාසයෙන් පසු පළමු වතාවට රුපියල් 300 මට්ටමට රැගෙන ඒමට හැකියාව ලැබුණා" යනුවෙන්ද හිටපු මුදල් රාජ්‍ය අමාත්‍යවරයා සඳහන් කරයි.
