(අංජුල මහික වීරරත්න)
මහ මැතිවරණයෙන් පසුව එක්සත් ජාතික පක්ෂ ප්‍රතිසංවිධාන කටයුතු කැපවී ඉටු කිරීමට ශක්තිය දෙන්නැයි රනිල් වික්‍රමසිංහ නායකතුමාගෙන් ඉල්ලා සිටි බව එක්සත් ජාතික පක්ෂ නියෝජ්‍ය නායක රුවන් විජයවර්ධන මහතා පැවසීය.
තව වසර පහකින් ශක්තිමත් එක්සත් ජාතික පක්ෂයක් යටතේ ඉදිරි මැතිවරණයට ඉදිරිපත් වීම තම බලාපොරොත්තුව බවද විජයවර්ධන මහතා කීය.
ගම්පහ දිස්ත්‍රික්කයේ මැතිවරණ ප්‍රචාරක වැඩසටහන් සඳහා සහභාගී වෙමින් රුවන් විජයවර්ධන මහතා මේ බව පැවසීය.
"අපට අලියා අමතක වන්නේ නැහැ. මහ මැතිවරණයේදීත් අප අලියාගෙන් යමු යැයි පුන පුනා කිව්වා.රනිල් වික්‍රමසිංහ මහතාගේ අදහස තිබුණේත් මේ කණ්ඩායම අලියා යටතේ සන්ධාන ගත වීමයි.නමුත් සන්ධානයේ අනෙක් පාර්ශ්වකරුවන් ඊට කැමැත්තක් දැක්වූයේ නැහැ.ඉදිරි මැතිවරණ සඳහා අපට අලියාගෙන් එන්න හැකිවේ යැයි සිතනවා"යැයි රුවන් විජයවර්ධන මහතා පැවසීය.
