(අංජුල මහික වීරරත්න)
මෙවර මහ මැතිවරණයේදී පොහොට්ටුව ඉතා ලෙහෙසියෙන්ම 113 ක ආසන සංඛ්‍යාව ලබා ගන්නා බව හිටපු ජනාධිපති මහින්ද රාජපක්ෂ මහතා පැවසීය.
තමා දේශපාලනයෙන් විශ්‍රාම ගියේ නැතැයි කී මහින්ද රාජපක්ෂ මහතා මේ තාවකාලික සමු ගැනීමක් පමණක් බවද සඳහන් කළේය.
කොළඹ පැවති උත්සවයකින් අනතුරුව මාධ්‍යවේදීන් ඇසූ ප්‍රශ්නවලට පිළිතුරු දෙමින් මහින්ද රාජපක්ෂ මහතා මෙසේද කීය.
ප්‍රශ්නය:- මැතිවරණ සූදානම කොහොමද?
පිළිතුර:- සූදානම්
ප්‍රශ්නය:- පොදු ජන පෙරමුණේ ජයග්‍රහණය ගැන කිව හැක්කේ කුමක්ද?
පිළිතුර:- ඉතා පහසුවෙන් වැඩි ආසන සංඛ්‍යාවක් ජයග්‍රහණය කරනවා.
ප්‍රශ්නය:- ඔබ මැතිවරණයට ඉදිරිපත් නොවීම දේශපාලනයෙන් විශ්‍රාම ගැනීමක්ද?තාවකාලික සමු ගැනීමක්ද?
පිළිතුර:- තාවකාලික සමුගැනීමක් පමණයි.දේශපාලකයෙක් කවදාවත් විශ්‍රාම යන්නේ නැහැ.
ප්‍රශ්නය:- කට්ටිය මෙලෙස විශ්‍රාම යාමට පටන් ගෙන තිබෙන්නේ ප්‍රථම වතාවට බව ජනපති ප්‍රකාශ කර තිබුණා.
පිළිතුර:- මා ඒ කතාව පිළිගන්නේ නැහැ.ඡන්දෙ ඉල්ලපු නැති කීදෙනෙක් ඉන්නවද?
ප්‍රශ්නය:- රාජපක්ෂවරු මෙවර මැතිවරණයට ඉදිරිපත් නොවීම ගැනත් සමාජ කතා බහක් ඇතිවී තිබෙනවා.
පිළිතුර:- රාපක්ෂවරු ඔය ඉන්නේ. ශෂීන්ද්‍ර රාජපක්ෂ මොණරාගලින් ඉල්ලන්නේ.
ප්‍රශ්නය:- පොහොට්ටුවට 113 ගන්න පුළුවන් වේවිද?
පිළිතුර:- අපෝ අපි ලේසියෙන් ඒක ගන්නවා.
