(අංජුල මහික වීරරත්න)
මියන්මාරයට බලපෑ යාගී සුළි කුණාටුවෙන් විපතට පත් ජනතාවට උපකාර කිරීමේ සහ සහයෝගීතාව දැක්වීමේ පියවරක් ලෙස විදේශ අමාත්‍ය විජිත හේරත් මහතා එම අමාත්‍යාංශයේ දී මියන්මාර තානාපති මාලා තන් හයික් මහත්මිය වෙත ලංකා තේ කිලෝග්‍රෑම් 227 ක් සංකේතාත්මකව ප්‍රදානය කළේය.
අභියෝගාත්මක අවස්ථාවේ ශ්‍රී ලංකා රජය සහ ජනතාව විසින් තේ පරිත්‍යාග කිරීමෙන් සුහදතාව පළ කිරීම මියන්මාර රජය අවංකව අගය කරන බව තානාපති හයික් මහත්මිය එහිදී ප්‍රකාශ කළාය.
මෙහිදී අදහස් දක්වමින් විජිත හේරත් මහතා පැවැසූයේ දෙරට අතර පවතින ශක්තිමත් සබඳතාවට සාක්ෂි වශයෙන් ථෙරවාදී බෞද්ධ බැඳීම් සහ ශක්තිමත් මිනිස් සබඳතා මත ගොඩනැගුණු චිරස්ථායී මිත්‍රත්වයක් පවතින බවයි.
