(බී.ජී. චතුරංග)
ජාතික ජන බලවේගයේ ජනපති ධූර අපක්ෂක කරන අනුර කුමාර දිසානායක මහතා අද (19දා) පස්වරුවේ අමටමස්ථානාධිපති පල්ලේගම හේමරතන නා හිමියන් බැහැ දැක, අනතුරුව ඓතිහාසික ජය ශ්‍රී මහා බෝධීන් වහන්සේ වැඳ පුදා ගෙන ආශිර්වාද ලබා ගත්තේය.
ආශිර්වාද ලබා ගැනීමෙන් අනතුරුව මාධ්‍ය වෙත අදහස් දක්වමින් ඒ මහතා කියා සිටියේ රනිල් වික්‍රමසිංහ මහතා මේ වන විටත් රට තුල කැලෑ නීතිය ක්‍රියාත්මක කරමින් පවතින බවය. මෛත්‍රිපාල සිරිසේන, චන්ද්‍රිකා කුමාරතුංගද ඔවුන්ගේ පාලන සමයේ කැලෑ නීති ක්‍රියාත්මක කළ බවත් ජාතික ජන බලවේගයක් යටතේ නීතිය නිසියාකාරව ක්‍රියාත්මක කරන බවද ඒ මහතා පැවසීය.
විධායක ජනාධිපති ක්‍රමය අහෝසි කිරීම ජාතික ජන බලවේගයේ ප්‍රතිපත්තිය බවත් සජිත් ප්‍රේමදාස මහතා විධායක ජනාධිපති ක්‍රමය අහෝසි කරන බවට ඊයේ දින ප්‍රකාශ නිකුත් කළද, මීට පෙර කිසි දිනක එවන් ප්‍රකාශයක් සිදු කර නැති බවත් මැතිවරණය වෙනුවෙන් එවැනි ලාභ සටන් පාඨ ජාතික ජන බලවේගය තුළ නොමැති බව ද කුමාර දිසානායක මහතා වැඩි දුරටත් පැවසීය.
