පිළිතුර - ඇයි පිළිගන්නේ නැත්තේ. එතුමා අපේ පක්ෂයේ. ලිස්ට් එකේ ඊළඟට නම තිබුණේ එතුමගේ. එතුමාට තමයි පුරප්පාඩු වෙච්ච මන්ත්‍රී ධුරයට අයිතිවාසිකම තියෙන්නේ. එතුමා අපේ මන්ත්‍රීවරයෙක්. 

 

 

පිළිතුර - එහෙම නොවෙයි. අපි රංජන් වෙනුවෙන් සටන් කළේ සහෝදර මන්ත්‍රීවරයෙක් හැටියට එතුමාට සාධාරණය ඉටු කරන්නයි. අභියාචනාධිකරණයෙනුත් කිව්වේ ශ්‍රේෂ්ඨාධිකරණය තීන්දුවක් දුන්නාම මන්ත්‍රී ධුරය අහෝසි වෙනවා කියලනේ. නමුත් අපට උවමනා වුණේ පාර්ලිමේන්තු මන්ත්‍රීවරයකුට සාධාරණය ඉටු කර දීමටයි. 

 

 

පිළිතුර - එහෙම කිසිම අරමුණක් තිබුණේ නෑ. මිනීමරුවෙකුත් පාර්ලිමේන්තුවට ගෙනාවා. එහෙම එකේ උසාවියට අපහාස කළා කියන චෝදනාවට හිරේ ගිය රංජන්ට පාර්ලිමේන්තු එන්න බැරිවෙන්නේ කොහොමද? අපේ තර්කය වුණේ දඬුවම සැර වැඩියි කියලයි.

 

 

පිළිතුර - ඒ වුණත් අපේ මතය වුණේ ඒ තීන්දුව තද වැඩියි කියලයි. නායකතුමත් කිව්වේ මමත් කිව්වේ අපි කවුරුත් කිව්වේ මේ තීන්දුව තද වැඩියි කියලයි. පිටරට මේ වගේ සිදුවීම් දිහා බලනකොට ඉතාම සරළ දඬුවම් දීලා තියෙන්නේ. ඉන්දියාවේ නීතිඥ මහත්මයෙක් එයාගේ ෆේස්බුක් එකේ දැම්මා පින්තූරයක් එහෙ අගවිනිසුරුතුමා කොවිඩ් අස්සෙ බයික් එකක යනවා මාස්ක් එකක් නැතිව. ‘මේකද රටට දෙන ආදර්ශය’ කියලා ඒ නීතිඥ මහත්තයා අහලා තිබුණා. ඒ නීතිඥ මහත්තයා අධිකරණයට අපහාස කළා කියලා රුපියලක දඩයක් ගැහුවේ. ඒ නීතිඥ මහත්මයා ඒ රුපියලේ දඩය ගෙව්වෙත් නෑ. මේ සිද්ධිය වෙන්නේ ඉන්දියාවේ. මෙතැන රංජන්ගෙන් වැරැද්දක් වුණා. මම නෑ කියන්නේ නෑ. නමුත් දඬුවම සැර වැඩියි. අපි දිගටම හිටියේ ඒ මතයේ. 

 

 

පිළිතුර - නෑ නෑ එහෙම දෙයක් ගැන අපි තාම සාකච්ඡා කරලා නෑ. අනික ඔය ප්‍රකාශය කරපු ඒ මහින්දානන්ද ඇමතිවරයගෙ ඔළුවෙ මොනවා තියෙනවද කියල අපි දන්නේ නෑ. 

 

 

පිළිතුර - ඒවා මගෙන් අහන එක වැරැදිනේ. මම ඕවා දන්නෙත් නෑ. මම එතැන හිටියෙත් නෑ. 

 

 

පිළිතුර - පාර්ලිමේන්තුව මෙහෙයවන්න ඕනෑ කතානායකනේ. ඔය කියන විදියට පාර්ලිමේන්තුව මෙහෙයවන්නේ විපක්ෂයද? ස්ථාවර නියෝග අනුව පාර්ලිමේන්තුව මෙහෙයවන්න ඕනෑ කතානායක. පෞද්ගලික චෝදනා, මඩ ගැසීම් කරන්න ස්ථාවර නියෝගවලට අනුව බෑ. නමුත් කතානායකවරයා ඒවට ඉඩ දෙනවානම් ඒකට කරන්න දෙයක් නෑ. මම ඊයෙ පෙරේදාත් පාර්ලිමේන්තුවේදී ඔය ගැන කතා කළා. කෙනෙක් පාර්ලිමේන්තුවේ කතා කරන කොට අනික් පැත්තේ අය ‘පොයින්ට් ඔෆ් ඕඩර්’ කියල පෞද්ගලිකව මඩ ගහනවා. ඉතින් ඒක නතර කරන්න ඕනැ කතානායකයි. මූලාසනයෙ ඉන්න අයයි. මම කියපු එක දිනේෂ් ගුණවර්ධන මහත්තයත් පිළිගත්තා. මන්ත්‍රීවරයකුට චෝදනාවක් කරනවා නම් ඒක කරන ක්‍රමයක් තියෙනවා. ඒ ක්‍රමය තමයි පාර්ලිමේන්තුවට යෝජනාවක් ගේන්න පුළුවන්. එතකොට ඒ යෝජනාව සාකච්ඡා කරන්න පුළුවන්. එක නිමේෂයකින් නැගිටල කාට හරි චෝදනා කරන එක ස්ථාවර නියෝගවලට පටහැනියි. නමුත් කතානායකතුමයි සභාපති මණ්ඩල පැනල් එකයි ඒ නිලධාරීන් ඒවා නවත්වන්නේ නැත්නම් අපට කරන්න දෙයක් නෑ. ඕක දෙපැත්තෙන්ම වෙනවා. 

 

 

පිළිතුර - මම මාස තුනකට කලිනුත් කතානායකතුමාට ඔය කතාව කිව්වා. මම කතානායකවරයාට වඩා දොස් කිව්වේ නිලධාරීන්ට. මොකද මේ නිලධාරීන් අපි සාකච්ඡා කරන දේවල් අහගෙන ඉන්න ඕනැ. මම කතානායකවරයාට මෙහෙමත් කිව්වා. බ්‍රිතාන්‍ය පාර්ලිමේන්තුව බලන්න. එහෙ පාර්ලිමේන්තුව රැස්වුණාම නිලධාරීන් තත්පරෙන් තත්පරයට නැගිටලා කතානායකවරයාට මොනවා හරි කියනවා. ඒ කියන්නේ ස්ථාවර නියෝගවලට පටහැනිව කතා කරනවා නම් ඒ නිලධාරීන් කතානායකවරයාට ඒ බව දැනුම් දෙනවා. නිලධාරීන් කතාව අහගෙන ඉන්න ඕනැ. ඒක අපේ පාර්ලිමේන්තුවේ සිද්ධ වෙන්නේ නෑ. කතානායක නොවෙයි නිලධාරීන් කතාව අහගෙන ඉඳලා ස්ථාවර නියෝගවලට පටහැනිව කතා කරනවානම් ඒක කතානායකවරයාට දැනුම් දෙන්න ඕන. ඒක අපේ පාර්ලිමේන්තුවේ වෙන්නේ නෑ අවාසනාවකට. 

 

 

පිළිතුර - ඔව්! පැහැදිලිවම​. උදාහරණයක් හැටියට මම කතා කරනවා කියමුකෝ. එතකොට කවුරුහරි නැගිටලා පෞද්ගලිකව මඩ ගහනවා. එහෙම කරන්න බෑ. මම හරි වෙන කෙනෙක් හරි වරදක් කරලා තියෙනවා නම් ඒකට යෝජනාවක් පාර්ලිමේන්තුවට ගේන්න පුළුවන්. එතකොට ඒ යෝජනාව ගැන වැදගත් විදියට සාකච්ඡා කරන්න පුළුවන්. නමුත් මෙතැන කඩාකප්පල් කරන එකනේ වෙන්නේ. 

 

 

පිළිතුර - ගස් හැට දෙදාහක් කපල කියලා පරිසරවේදීන් කියනවනේ. ඒ ගැන පරීක්ෂණ කරන්න ඕනැ. පරිසර විනාශය ගැන අපි කොමිසමක් හරි පත් කරන්න ඕනැ. දේශපාලන විරුද්ධවාදීන්ගේ ප්‍රජා අයිතිය නැති කරන්න කොමිසම් පත් කරනවා නම් රටේ පරිසර විනාශය ගැන කොමිසමක් පත් කරන්න බැරි ඇයි? ගස් හැට දෙදාහක් කැපුවා කියලා කියනවනේ. 

 

 

පිළිතුර - මම ඉතින් බාර දෙන්න සූදානම්. පරිසර සංවේදී ව්‍යාපෘතියකට මම ඒ ඉඩම දෙන්න සූදානම්. මම මේ ඉඩම මීට කලින් කොළඹ අසපුවක වැඩ ඉන්න ප්‍රසිද්ධ ස්වාමීන් වහන්සේ නමකටත් පූජා කළා. ඒ ස්වාමීන් වහන්සේ ඉඩම බලන්නත් වැඩම කළා. අල්ලපු ඉඩමේ ආරාමයක් තියෙන නිසා ආරාම දෙකක් එක තැනක තිබීම සුදුසු නැහැ කියලා උන්වහන්සේ ප්‍රකාශ කළා. අවුරුදු සීයක් තිස්සේ මේක පෞද්ගලික ඉඩමක්. 

 

 

පිළිතුර - ඔව්. මේගොල්ලෝ දේශපාලන පලිගැනීම් ගැන හොයන්න කියලා කොමිසමක් පත් කළා. ඒ කොමිෂන් එකේ චෝදනා පරීක්ෂා කරන්න විශේෂ ජනාධිපති කොමිසමක් පත් කළා. ඒ විශේෂ ජනාධිපති කොමිසමට බලයක් තියෙනවා අර පළමුවැනි කොමිෂන් එකේ චෝදනා බලලා ප්‍රජා අයිතිය අහෝසි කරන්න නිර්දේශ කරන්න. ඒ අනුව විපක්ෂයේ දහ දෙනෙකුගේ ප්‍රජා අයිතිය අහෝසි කරන්න නිර්දේශ කරන්න පුළුවන්. 

 

 

පිළිතුර - ඔව්. රටේ ප්‍රශ්නවලට උත්තර නැති වුණාම ඔය වගේ දේවල්නේ කරන්නේ. 

 

 

පිළිතුර - ඒක බොරු කතාවක්. අපේ නායකතුමා හැමදාම රටේ දැවෙන ප්‍රශ්න ගැන පාර්ලිමේන්තුවේදී කතා කරනවා. විපක්ෂයේ වරදක් නෑ. අපිට හරියට මාධ්‍ය ආවරණයක් ලැබෙන්නේ නෑ. පෞද්ගලික මාධ්‍යවල සීයට 80ක්ම කරන්නේ ආණ්ඩුවට කඩේ යන එකනේ. ආණ්ඩුව බලයට එන්න දුන්න එකම පොරොන්දුවක්වත් ඉටු කළේ නෑ. ආණ්ඩුව හැම අතින්ම අසාර්ථකයි. දැන් දැක්කනේ විහාරස්ථානවලට ගියාම මැති ඇමතිවරුන්ට මහා සංඝරත්නයෙන් ලැබෙන ප්‍රතිචාර. ආණ්ඩුව හැම අතින්ම අසාර්ථක බව තමයි මේකෙන් පේන්නේ. 

 

 

පිළිතුර - ඒක සටන් පාඨයක් විතරක් වෙන්නේ කොහොමද? ඔයා තේරුම් ගන්න අනික් රටවලත් මෙහෙම කොවිඩ් ප්‍රශ්නය ආවට මේ විදියට බඩු මිල වැඩිවෙලා නෑ. අන්න ඒකයි අපේ රටයි අනික් රටවලයි අතර තියෙන වෙනස. අසල්වැසි ඉන්දියාවේ වුණත් මම අද උදේත් වෙබ් සයිට් බැලුවා. භාණ්ඩ මිල මේ විදියට වැඩිවෙලා නෑ. එංගලන්තයේ මගේ දුව ඉන්නවා. භාණ්ඩවල මිල ඒ මට්ටමේම පවත්වාගෙන යනවා. බොහෝ රටවල තත්ත්වය ඒක තමයි. 

 

 

පිළිතුර - අපි අධ්‍යයනයක් කරලා තියෙනවා පසුගිය අවුරුදු 15 ගත්තොත් ඒ අවුරුදු 15 දී ගත්ත ණයවලින් සියයට 70ක්ම අරන් තියෙන්නේ රාජපක්ෂ ආණ්ඩු. පෝට් සිටි එකට, හම්බන්තොට වරායට, හම්බන්තොට ගුවන් තොටුපළට තමයි ණයවලින් සියයට 70ක්ම අරන් තියෙන්නේ. මේ ගත්තු ණයවලින් හදන පෝට් සිටි එකෙන් ආදායම් ලැබෙන්න පටන් ගන්නේ 2045 දී. 2045 වෙනකම් අපේ අයට ණය ගෙවන්න වෙනවා. මම මහා මාර්ග ඇමතිවෙලා ඉන්න කාලේ මධ්‍යම අධිවේගී මාර්ගයේ මීරිගම කුරුණෑගල කිලෝ මීටර් 41ක් තියෙනවා. මම එයින් කිලෝ මීටර් 38ක් හැදුවා. ඒ ගොල්ලන්ට හදන්න තිබුණේ කිලෝ මීටර් 4යි. නමුත් මේ ගොල්ලන්ට තවම ඒක හදා ගන්න බැරිවෙලා තියෙනවා. ඒ කිලෝ මීටර් 4 හැදුවම කුරුණෑගලට විනාඩි 45න් යන්න පුළුවන්. මහනුවරට පැය එකහමාරෙන් යන්න පුළුවන්. මම මහින්ද රාජපක්ෂ මහත්තයාගෙන් 2019 දී ප්‍රශ්නයකුත් ඇහුවා. මේක ඉවර කරන්නේ කවදාද කියලා. එතකොට කිව්වා 2020 මාර්තු වෙනකොට හදලා ඉවර කරනවා කියලා. නමුත් ආණ්ඩුවට විශාල සල්ලි ප්‍රශ්නයක් තියෙනවා. ගිය අගෝස්තු මාසයෙන් පස්සේ කොන්ත්‍රාත්කරුවන්ට ගෙවලා නෑ. අරහෙම කරනවා, මෙහෙම කරනවා කියලා කියනවා. නමුත් ආණ්ඩුවට සල්ලිත් නෑ. ආණ්ඩුව බලාපොරොත්තු වෙන්නේ පිටරට ආයෝජකයින් මෙහෙට ඇවිත් ඒ ගොල්ලෝ හදලා අවුරුදු 30ක් ඒ අය ආදායම ගැනීමනේ. නමුත් මේ කොවිඩ් එකත් එක්ක එහෙම ආයෝජකයෝ සොයා ගන්න අමාරුයි. මේ අයට තවම කිලෝ මීටර හතරක් හදාගන්න බෑ. මේ ආණ්ඩුව හැම අතින්ම අසාර්ථකයි කියන්නේ ඒ නිසයි.