(ඩී.ඥානසිරි හෙට්ටිආරච්චිගේ)
ජනතා නියෝජිතයින්ට පිල් මාරු කිරිමට නොහැකිවන ලෙස සැලුන් දොර වසා දමා, ජනතා නියෝජිතයින් පක්ෂ හා පිල් මාරුකරන දේශපාලනයට තිත තැබිමට තමාගේ ප්‍රධානත්වයෙන් බිහිවන ආණ්ඩුවක් යටතේ පාර්ලිමේන්තුවේ නිති සම්පාදනය කරන බව, පොදුජන පෙරමුණේ ජනාධිපතිධුර අපේක්ෂක නාමල් රාජපක්ෂ මහතා පැවසීය.
ඒ මහතා එලෙස පැවසුවේ අම්පාර නගර සභා ශ්‍රවනාගාර ශාලා පරිශ්‍රයේ පැවති ශ්‍රී ලංකා පොදුජන පෙරමුණේ ජනාධිපතිවරණ ප්‍රචාරක රැලියක් අමතමිනි.
වැඩිදුරටත් අදහස් දැක්වූ නාමල් රාජපක්ෂ මහතා, ඔබේ ඡන්දයට වටිනාකමක් දෙන්න, ජන්දය මුදල්වලට, බාර් ලයිෂන්වලට විකිණෙන යුගය නවත්වනවා. ප්‍රතිපත්ති ගරුක දේශපාලනයක් පටන් ගන්නවා.
අපි පැහැදිලිවම උතුර නැගෙනහිර එකතු කරන්න දෙන්නෙ නෑ. පැහැදිලිවම ඉඩම් හා පොලිස් බලතල දෙන්නෙ නෑ. ඒ වගේම නැගෙනහිර පලාත සංවර්ධනය කරන බව පැහැදිලිවම ප්‍රකාශ කරනවා.
නැගෙනහිර පලාතට අධිවේගී මාර්ගයක් ගෙනඑන්න, ගොවියා ශක්තිමත් කරන අතරතුර වැව් අමුණු හදන්න, ව්‍යවසායකයා ශක්තිමත් කරන්න, සංචාරක ව්‍යාපාරය, වෙළඳ්‍යාපාර දියණු කරන්න මහින්ද රාජපක්ෂ රජයට දැක්මක් තිබුණත්. 2025 පත්වුණ රජයට සංවර්ධනය පිලිබඳව අවබෝධයක් නොතිබීම හේතුවෙන් සියල්ලම ඇණහිටියා. මේ අවස්ථාවට හිටපු ජනපති මහින්ද රාජපක් මහතා ද, එක්ව සිටියේය.
