කාංචන කුමාර ආරියදාස
විසල් දඹුල්ල සංවර්ධන ව්‍යාපෘති යටතේ ඉදිකර ඇති ප්‍රධාන ජල නල පද්ධතිය දිනපතාම කැඩී යාම නිසා ජලය විශාල ප්‍රමාණයක් අපතේ යමින් පවතින බව ප්‍රදේශවාසීහු පවසති.
අද දිනයේදී ද එලෙස ජනලයක් කැඩී යෑමෙන් ජලය අපතේ ගිය අතර කුරුණෑගල දඹුල්ල ප්‍රධාන මාර්ගයේ ජලාශ හන්දිය ප්‍රදේශයේදී අඩි තිහක පමණ විශාල ජල කඳක් ඉහළට ගොස් ප්‍රධාන පාර ද අවහිර කරමින් පැයක පමණ කාලයක් ගලා යන්නට විය. ජලකඳත් සමග ගල් කැබලි ද උඩට ගොස් වාහන වලට පවා පතිත විය .මේ හේතුව නිසා වාහන ගන්මනා ගමනයට පවා බාධා එල්ලවිය .
මේ නිසා ප්‍රදේශයේ ජල ලාභීහුද දැඩි අපහසුතාවට පත්ව සිටිති.
‘ විසල් දඹුල්ල‘ සංවර්ධන ව්‍යාපෘතිය මීට මාස කිහිපයකට පෙර ජල සම්පාදන අමාත්‍ය රවුෆ් හකීම් මහතගේ ප්‍රධානත්වයෙන් ආරම්භ විය.
