(ක.ග.කරුණාරත්න)
 
ඉදිරි ජනාධිපතිවරණයට මොන අපේක්‍ෂකයා ඉදිරිපත් වුණත් ඒ හැම අපේක්‍ෂකයෙක්ම රටේ මත්ද්‍රව්‍ය ජාවාරම්,මත් ද්‍රව්‍ය  විනාශ කරන්න පියවර ගන්නා බවට පැහැදිලිව ප‍්‍රතිඥාවක් දියයුතුයැයි ජනාධිපති මෛත‍්‍රීපාල සිරිසේන මහතා අද (18)  පොළොන්නරුවේ දිඹුලාගලදී පැවසීය.
 
එපමණක් නොව මත්කුඩු ජාවාරම් කාරයින්ට විරුද්ධව මරණය දණ්ඩණය ක‍්‍රියාත්මක කරන බව කිවයුතු යැයිද  කීවේය.
 
නිවාස ඉදිකිරීම් හා සංස්කෘතික කටයුතු අමාත්‍යංශයේ මෙහෙයවීමෙන් ජාතික නිවාස සංවර්ධන අධිකාරියමගින් දිඹුලාගල ප‍්‍රාදේශි ලේකම් කොට්ඨාශයේ දිඹුලාගල ඉදිකරන ලද ජිවහත්තගම,දිසාලාගම,කොටාරාගල යන ආදර්ශ ගමිමාන ජනතා අයිතියට පත් කිරීමෙන් පසුව පැවැති උත්සව සභාව අමතමින් ජනාධිපතිවරයා මේ බව පැවසීය.
 
එහිදී  තව දුරටත් අදහස් දැක්වූ ජනාධිපති මෛත්‍රීපාල  සිරිසේන මහතා පාතාලය ,මත්කුඩු, ස්ත‍්‍රී දූෂණ, ළමා අපචාර මෙරට විනාශ කරන දේවල් යැයිද ඒවා මර්ධනය කර රටක් හදන්නට තද නති රීති  අවශ්‍ය බවද කීවේය.මත්ද්‍රව්‍ය  නිවාරණ ව්‍යාපාරය ශක්තිමත් කළයුතු බවත් මත්කුඩු විකුණන ව්‍යාපාරිකයින්,කුඩු ජාවාරමිකාරයින් මරණය දණ්ඩනය දීලා මරන්න ඔන කියලා තීන්දු කර ඊට අත්සන් කළ බවද පැවසීය.
 
නමුත්  මරණීය දණ්ඩනයද  මට එසේ අත්සන් කර තිබියද අපේ ආණ්ඩුවේ ලොක්කන් සහ විපක්‍ෂයේ ලොක්කන් රටේ සිටින දේශපාලනඥයින් සමඟ එක්ව පාරට බැහැලා බෑ. මරණය දණ්ඩනය දෙන්න බෑ කියලා කෑගහන්න පටන් ගත් බවක්’ ජනාධිපති මෛත‍්‍රීපාල සිරිසේන මහතා එක් අයෙක් උසාවි ගොස් මරණය දණ්ඩනය කල්දාන්න කියා ශ්‍රේෂ්ඨාධිකරණ නියේගයක්ද ලබා ගත් බවත් ඒ අනුව දැන් එය කල්දමා තිබෙන බවද පැවැසීය.
 
නිවාස ඉදිකිරීම් හා සංස්කෘතික කටයුතු ඇමති සජිත් පේ‍්‍රමදාස, විදේශ කටයුතු රාජ්‍ය ඇමති වසන්ත සේනානායක යන මහත්වරු ද උත්සව සභාව ඇමතූහ.