(නිමන්ති රණසිංහ)
 
ඇඹිලිපිටියේ මහාධිකරණ විනිසුරු ගිහාන් පිලපිටිය මහතා අත්අඩංගුවට ගන්නා ලෙස නීතිපතිවරයා නියෝග ලබාදීම නීතියට පටහැනි අත්තනෝමතික ක්‍රියාවක් බව සඳහන් කරමින් කොළඹ මහේස්ත්‍රාත් අධිකරණයේ නීතීඥවරු අද(24)  අධිකරණය ඉදිරිපිටදී නිහඬ විරෝධතාවක නිරත වූහ.
 
නීතිපතිගේ කාර්යභාරය අධිකරණයට මග පෙන්වීම සහ සහය වීම පමණක් බවත් එසේ තිබියදී විනිසුරුවරුන් අත්අඩංගුවට ගැනීමට නියෝග නිකුත් කිරීම නීතිපතිගේ කාර්යභාරය නොවන බවත් ඔවුහු සඳහන් කළහ.
 
කොළඹ මහේස්ත්‍රාත් අධිකරණයේ නීතීඥ සංගමය මෙම විරෝධතාවට එක්ව සිටියහ.

(ඡායාරූප - රොමේෂ් ධනුෂ්ක ද සිල්වා)