(රවින්ද්‍ර ලියනගේ)
පරුෂ වචනයෙන් බැන පොලිස් නිලධාරීන්ට තර්ජනය කිරීමේ සිද්ධියකට අත්අඩංගුවට ගත් වෙන්නප්පුව ප්‍රාදේශීය සභාවේ එක්සත් ජාතික පක්ෂයේ මන්ත්‍රීවරිය ලබන 30 දක්වා රක්ෂිත බන්ධනාගාර ගත කිරීමට මාරවිල දිසා මහේස්ත්‍රාත් මහේන්ද්‍ර රාජා මහතා අද (21) නියෝග කළේය.
මේ සම්බන්ධයෙන් අත්අඩංගුවට ගත් මන්ත්‍රීවරියගේ පියා සහ නැගණිය මාරවිල අධිකරණයට ඉදිරිපත් කිරිමෙන් පසුව ඇයගේ පියා හා නැගණිය රුපියල් ලක්ෂ 3 බැගින් වූ ශරීර ඇපයක් මත මුදාහැරීමට මහේස්ත්‍රාත්වරයා නියම කළේය
මෙලෙස රක්ෂිත බන්ධනාගාර ගත කරන ලද්දේ තුම්මෝදර ලුණුවිල පදිංචි 21 හැවිරිදි දුලක්ෂි චමෝදරි ප්‍රනාන්දු නැමැති මන්ත්‍රීවරිය වේ.
පසුගිය 19 දා ලුණුවිල සිරිගම්පොල තුම්මෝදර මාර්ගයේ යතුරුපැදියකින් යමින් සිටියදී පොලිස් නිලධාරීන් කණ්ඩායමක් ප්‍රාදේශීය සභා මන්ත්‍රිවරිය නතර කර පරික්ෂා කිරීමේදී රාජකාරීයේ යෙදී සිටි පොලිස් නිලධාරියකුට පරුෂ වචනයෙන් බැන තිබේ.
(වීඩියෝ අනුග්‍රහය - පොලිස් මාධ්‍ය ඒකකය)
