( නාලක සංජීව දහනායක සහ ඉන්දිකා රාමනායක)
 
කොළඹ කොටුවේ පැවැති ආබාධිත රණවිරුවන්ගේ විරෝධතාව සහ උපවාසය  නවත්වා දැමීමට අද  (30) දහවල් ඔවුහු පියවර ගත්හ.
 
විපක්ෂ නායක මහින්ද රාජපක්ෂ මහතා එම ස්ථානයට පැමිණ විරෝධතාවයෙහි  නිරත ආබාධිත රණවිරුවන් හා සාකච්ඡා කිරීමෙන් අනතුරුව ඔවුහු උපවාසය අත්හැරියහ.
 
විපක්ෂ නායකවරයා   උපවාසයේ යෙදී සිටි  රණවිරු අයිතිවාසිකම් සුරැකීමේ ජාතික බලවේගය සභාපති  කොප්‍රල් යූඩී වසන්ත මහතාට තැඹිලි වතුර පොවා තමන්ගේ රජයක් යටතේ රණවිරුවන්ගේ සියලු  ගැටළුවලට විසඳුම් ලබා දෙන බව පැවසූ අතර,ඒ හේතුවෙන්   උපවාසය අත්හරින ලෙසට ඉල්ලීමක් ද  කළේය.
 
එම ඉල්ලීම සැලකිල්ලට ගත්  කොප්‍රල් යූ ඩී වසන්ත මහතා උපවාසය අත්හැරීමට එකඟ වී තිබිණ. මහා සංඝරත්නයේ සෙත්පිරිත් සඡ්ඣායනා මැද,  දින 20 ක් පමණ  කාලයක්  විරෝධතාවයේ  නියැලි  රණවිරුවෝ   විරෝධතාව සහ උපවාසය  නැවැත්වීමට කටයුතු කළහ.

 ( ඡායාරූප ළහිරු හර්ෂණ)