(යොහාන් භාසුර)

ලාෆ් ගෑස් සිලින්ඩරයක මිල ද මාසයක් තුළ ලිට්‍රෝ ගෑස් සිලින්ඩරයක මිලට සමාන කළ යුතු බව ලාෆ් සමාගමට දැනුම් දුන් බව වෙළඳ අමාත්‍ය නලින් ප්‍රනාන්දු මහතා පැවසීය.

එළඹෙන සතිය තුළ ලාෆ් ගෑස් සිලින්ඩරයක මිල රුපියල් 350 කින් අඩු කළ යුතු බවට ද එම සමාගමට දැනුම් දුන් බව කී අමාත්‍ය නලින් ප්‍රනාන්දු මහතා ලිට්‍රෝ ගෑස් සිලින්ඩරයක මිලට සමාන කිරීම කොටස් දෙකක් යටතේ සිදුකළ යුතු බව ද සඳහන් කළේය.

ලිට්‍රෝ ගෑස් කිලෝග්‍රෑම් 12.5 සිලින්ඩරයක සහ ලාෆ් ගෑස් කිලෝග්‍රෑම් 12.5 සිලින්ඩරයක මිල අතර රුපියල් 708 වෙනසක් ඇති බව කී අමාත්‍යවරයා එවැනි වෙනසක් තිබිය නොහැකි බව ද වැඩිදුරටත් සඳහන් කළේය.