(මුදිතා දයානන්ද)
ඉදිරියේදි පැවැත්වෙන මහමැතිවරණයකදී තම පක්ෂය ඉදිරිපත් වන්නේ සීනුව ලකුණින් යැයි ජනතා විමුක්ති පෙරමුණේ ප‍්‍රචාරක ලේකම් පාර්ලිමේන්තු මන්ත‍්‍රී විජිත හේරත් මහතා අද (26) පැවසීය.
ඔහු මේ බව පැවසූයේ ඉදිරියේදි පැවැත්වෙන මහමැතිවරණයකදි එක්සත් ජාතික පක්ෂය හෝ වෙනත් පක්ෂයක් සමඟ ඇති කරගන්නා පෙරමුණු වලින් තරඟ වැදීමට ජවිපෙ සුදානම් දැයි පැලවත්තේ පිහිටි ජනතා විමුක්ති පෙරමුණේ ප‍්‍රධාන කාර්යාලයේදි පැවති මාධ්‍ය හමුවකදි මාධ්‍යවේදියෙකු නැගූ ප‍්‍රශ්නයකට පිළිතුරු දෙමිනි.
මෙහිදි තවදුරටත් අදහස් දැක්වූ හේරත් මහතා ජනතා විමුක්ති පෙරමුණ සිවිල් සංවිධාන, බහුජන සංවිධාන හා විද්වතුන් කලාකරුවන් එකතු කරගත පුලුල් පෙරමුණක් ලෙස ඉදිරි මහමැතිරවණයකදි තරග වදින්නට බලාපොරොත්තු වන බවද පැවසිය.
එහෙත් එහිදි තම පක්ෂයේ ලකුණ වෙනස් කිරීමේ බලාපොරොත්තු නැති බවද අනෙකුත් දේශපාලන පක්ෂවල ප‍්‍රගතිශීලි හා වාමාංශික මතයන් දරන අයටද තමන් සමඟ එකතු විය හැකි බවද හේරත් මහතා තවදුරටත් පැවසීය.
( වීඩියෝ 356)
