( රොමේෂ් ධනුෂ්ක සිල්වා)
ශ්‍රී ලංකාවට පැමිණන සියලුම සංචාරකයින් හැකි විගසින් වහා නතරකර දෙන ලෙස රජයෙන් ඉල්ලා සිටින බව ශ්‍රී ලංකා ජාතික සංචාරක මාර්ගෝපදේශන කථිකාචාර්ය ආයතනයේ හිටපු සභාපති ජෝ ලිවේරා මහතා පැවසීය.
අඩු තරමින් මාස දෙකක කාලයක් කිසිදු සංචාරකයකු ගෙන්වා නොගන්නැයි රජයෙන් ඉල්ලීමක් කරන බවද ඔහු සඳහන් කළේය.
සංචාරකයින් සමඟ සමීපව යැපෙන්නේ සංචාරක මාර්ගෝපදේශකයින් වන තමන් ඇතුළු පිරිස බවත් මෙවැනි තීරණයක් ගැනීමෙන් ඒ සියලු දෙනාට පෞද්ගලිකව රැකියාවලට බලපෑම් එල්ල වන නමුදු වැනි හදිසි අවස්ථාවකදී සමස්ථ රටම අනතුරට ලක් කීරීමට නොහැකි බැවින් මෙම තීරණය ගන්නා ලෙස රජයෙන් ඉල්ලා සිටින බවත් හෙතෙම ප්‍රකාශ කළේය.
ශ්‍රී ලංකා ජාතික සංචාරක මාර්ගෝපදේශන ආයතනයේ අද (13) පැවැති මාධ්‍ය හමුවකදී ඔහු මේ බව පැවසීය.
ඡායාරූප හා විඩීයෝ - ( රොමේෂ් ධනුෂ්ක සිල්වා)
