(නිමල කොඩිතුවක්කු)
තමන්ට එරෙහිව විනය ක‍්‍රියාමාර්ග ගන්නා බවට එක්සත් ජාතික පක්ෂයෙන් මෙතෙක් කිසිදු දැනුම් දීමක් සිදු කර නැතැයි පාර්ලිමේන්තු මන්ත‍්‍රී අතුරලියේ රතන හිමියෝ කොළඹදී පැවැසූහ.
විනය ක‍්‍රියාමාර්ග ගන්නා බවට දැනුම් දීමක් සිදු කළහොත් ඒ සදහා උත්තරයක් දීමට තමන් සූදානමින් සිටින බවත් උන්වහන්සේ සදහන් කළහ.
රාජගිරිය සදහම් සෙවන බෞද්ධ මධ්‍යස්ථානයේදී අද(01) පැවති මාධ්‍ය හමුවකට එක්වෙමින් අතුරලියේ රතන හිමියෝ මේ බව පැවැසුහ.
එක්සත් ජාතික පක්ෂයේ පාර්ලිමේන්තු මන්ත‍්‍රීවරුන් වන අතුරලියේ රතන හිමියන්ට සහ ජනාධිපති නීතීඥ විජේදාස රාජපක්ෂ මහතා සම්බන්ධයෙන් විනය පරීකෂණයක් ආරම්භ කර ඇති බව එම පක්ෂයේ නීති ලේකම් ජනාධිපති නීතිඥ නිශ්ශංක නානායක්කාර මහතා පසුගියදා පැවැසීය.
(ඡායාරූප හා විඩීයෝ - ශාන්ත රත්නායක)
