ඇමෙරිකාවේ 47 වැනි ජනාධිපති ලෙස එම ධුරයට තේරී පත් වුණු ඩොනල්ඩ් ට්‍රම්ප් අත්සන් කළ විධායක නියෝගයකට අනුව, ඇමෙරිකාව ලෝක සෞඛ්‍ය සංවිධානයෙන් ඉවත් වෙයි. නියෝගයට අනුව, ඇමෙරිකාව ලෝක සෞඛ්‍ය සංවිධානයෙන් ඉවත් වීම සිදුවනු ඇත්තේ 2026 ජනවාරි මාසයේ සිටය.
ට්‍රම්ප්ගේ මෙම තීරණයෙන් පසු ලෝක සෞඛ්‍ය සංවිධානයට ඇමෙරිකාවෙන් කිසිදු ආකාරයක ආධාර ලබා දීමක් සිදු වන්නේ නැත. මෙය සැබැවින්ම කනගාටුවට කරුණක් බව ලෝක සෞඛ්‍ය සංවිධානයෙ නිකුත් කළ නිවේදනයක දැක්වෙයි.
ට්‍රම්ප් පළමු වරට ඇමෙරිකාවේ ජනාධිපති වී සිටියේ 2017 සිට 2021 දක්වා කාලයේය. ට්‍රම්ප් සහ ලෝක සෞඛ්‍ය සංවිධානය අතර අර්බුදයනිර්මාණය වූයේ එම කාලයේය. ‘කොවිඩ් 19’ වයිරස වසංගතය ව්‍යාප්ත වෙද්දී එය නිසි ලෙස මර්දනය නොකිරීමට කඩිනමින් පියවර නොගත් බවට ට්‍රම්ප් ලෝක සෞඛ්‍ය සංවිධානයට චෝදනා කරන බැවිනි. ලෝක සෞඛ්‍ය සංවිධානයේ ප්‍රතිසංස්කරණ සිදුවිය යුතු බව ද ට්‍රම්ප් පෙන්වා දී ඇත.
(ඒ.එෆ්.පී.)
