ඇමෙරිකාව සමඟ හෝ ඇමෙරිකන් ජනාධිපති ධුරයට පත්වන ඩොනල්ඩ් ට්‍රම්ප් සමඟ හෝ ගැටුම් ඇති කර ගැනීමෙන් වළකින බවත්, ග්‍රීන්ලන්ත අග්‍රාමාත්‍ය මියුට් එඩ්ජ් පවසා ඇත.
ග්‍රීන්ලන්ත අගමැතිවරයා මෙසේ පැවැසුවේ, ග්‍රීන්ලන්තය සම්බන්ධයෙන් ජාත්‍යන්තරයේ කතාබහක් නිර්මාණය වී ඇති අවස්ථාවකය. යළිත් වරක්, ඇමෙරිකන් ජනාධිපති ධුරයට තේරී පත්වී සිටින ඩොනල්ඩ් ට්‍රම්ප් දිගින් දිගටම පවසා ඇත්තේ ග්‍රීන්ලන්තය ඇමෙරිකාවට අවශ්‍ය බවත්, ග්‍රීන්ලන්තය මිලදී ගැනීමට තමන් සූදානම් බවත්ය.
ග්‍රීන්ලන්තය යනු ලොව විශාගතම දූපතය. එය පිහිටා ඇත්තේ උතුරු ඇමෙරිකාව සහ යුරෝපය මධ්‍යයේය. ට්‍රම්ප් පෙන්වා දෙන්නේ, ග්‍රීන්ලන්තය ඇමෙරිකාවේ ජාතික ආරක්ෂාවට අවශ්‍ය බවය.
ග්‍රීන්ලන්තය ස්වයං පාලනයක් ඇති දූපතක් වුවත්, එය අයිති ඩෙන්මාර්කයටය. ට්‍රම්ප් දිගින් දිගටම ග්‍රීන්ලන්තය මිලදී ගන්න බව පැවැසීම ඩෙන්මාර්කයේ ද දැඩි විරෝධයට හේතුවක් වී ඇත.
ග්‍රීන්ලන්ත අග්‍රාමාත්‍ය මියුට් එඩ්ජ්, තරයේ පවසා ඇත්තේ, ග්‍රීන්ලන්තය විකිණීමට දමා නැති බවත්, ග්‍රීන්ලන්තය ගැන තීන්දු තීරණ ගන්නේ ග්‍රීන්ලන්ත වැසියන් බවත්ය.
කෙසේ නමුත් ආරක්ෂක කටයුතුවලදීත්, පතල් කැණීම් සම්බන්ධ කටයුතුවලදීත් ඇමෙරිකාව සමඟ දිගටම සහයෝගයෙන් කටයුතු කරන බව ග්‍රීන්ලන්ත අග්‍රාමාත්‍ය මියුට් එඩ්ජ්, පැහැදිලි කර තිබේ.
(ඒ.එෆ්.පී.)
