මාස දෙකහමාරක් තිස්සේ වට හතකින් පැවැත්වෙන ඉන්දීය මහ මැතිවරණයේ දෙවැනි වටය හෙට (26) ආරම්භ වෙයි. කේරළ සහ කර්ණාඨක ප්‍රාන්ත වැසියන්ට ඡන්දය ප්‍රකාශ කිරීමට අවස්ථාව ලැබෙන්නේ මෙම දෙවැනි වටයේය.
මෙවර මහ මැතිවරණයේ දී ඉන්දියාවේ දකුණුදිග ප්‍රාන්තවල ඡන්ද, අග්‍රාමාත්‍ය නරේන්ද්‍ර මෝදිගේ භාරතීය ජනතා පක්ෂයට ඉතා වැදගත්ය. උතුරු ඉන්දියාවේ ප්‍රාන්ත භාරතීය ජනතා පක්ෂ බලකොටු ලෙස සැලකෙන නමුත්, පසුගිය කාලය පුරාවට දකුණු ඉන්දියාවේ තමිල්නාඩු, කේරළ සහ කර්ණාටක ප්‍රාන්තවල භාරතීය ජනතා පක්ෂයට වැඩි බලයක් හිමි වූයේ නැත.
කෙසේ නමුත් විපක්ෂ දේශපාලන කණ්ඩායම්වලට අභියෝග කරමින් මෙවර මෙම දකුණුදිග ප්‍රාන්තවල යම් ප්‍රගතියක් පෙන්වීමට භාරතීය ජනතා පක්ෂය බලාපොරොත්තු වෙයි.
(එන්.ඩී.ටීවී.)
