ඊශ්‍රායල අග්‍රාමාත්‍ය බෙන්ජමින් නෙදන්යාහු එරට ආරක්ෂක අමාත්‍යවරයා ලෙස කටයුතු කළ යෝව් ගැලන්ට් ධුරයෙන් නෙරපා ඇත. ඊට හේතු වී ඇත්තේ නෙදන්යාහු සහ ගැලන්ට් අතරේ හටගත් මත ගැටුම්ය.
ඊශ්‍රායලය ගාසා තීරයේ හමාස් සටන්කාමීන් ඉලක්ක කර ගනිමින් සහ ලෙබනනයේ හිස්බුල්ලා සටන්කාමීන් ඉලක්ක කර ගනිමින් ප්‍රහාර එල්ල කිරීම කළේ යෝව් ගැලන්ට්ගේ අධීක්ෂණය යටතේය.
එසේ වුවත්, ඊශ්‍රායල වැසියන්ට කන් දෙමින්, යෝව් ගැලන්ට් දිගින් දිගටම සටන් විරාමයකට ගොස් හමාස් ග්‍රහණයේ ඉතිරි වූ ඊශ්‍රායල ප්‍රාණ ඇපකරුවන් මුදා ගන්නැයි දිගින් දිගටම අග්‍රාමාත්‍ය නෙදන්යාහුට බල කර ඇත.
මෙය නෙදන්යාහු සහ යෝව් ගැලන්ට් අතරේ මත ගැටුමක් තෙක්දුර දිග ගිය බවත්, යෝව් ගැලන්ට් ධුරයෙන් නෙරපා දැමීමට අග්‍රාමාත්‍යවරයා කටයුතු කළ බවත් පැවැසෙයි. නව ආරක්ෂක අමාත්‍යවරයා ලෙස ඊශ්‍රායල් කාට්ස් පත් කර ඇත.
