ඊශ්‍රායල හමුදා සම්පූර්ණයෙන්ම ගාසා තීරයෙන් ඉවත් වුවහොත් පමණක්, සටන් විරාමයකට එකඟ වන බව ගාසා තීරයේ ක්‍රියාත්මක හමාස් සංවිධානය කියයි.
මේ වනවිට ඇමෙරිකාවේ ද මැදිහත් වීමෙන්, යළිත් වරක් ගාසා තීරයේ සටන් විරාමයක් සඳහා සාකච්ඡා පැවැත්වෙයි. සාකච්ඡා පැවැත්වෙන්නේ ඊජිප්තුවේ කයිරෝ අගනුවරදීය. කටාරය ද මැදිහත්කරුවකු ලෙස එක් වී සිටී.
ඊශ්‍රායල හමුදා ගාසා තීරයෙන් සම්පූර්ණයෙන්ම නිදහස් වූ විට තමන් සටන් විරාමයකට එකඟ වන බවත්, තම ග්‍රහණයේ සිටින ප්‍රාණ ඇපකරුවන් මුදා හැරීමට කටයුතු කරන බවත් හමාස් සංවිධානය නියෝජනය කරමින්, කයිරෝ අගනුවරට පැමිණි නියෝජිතයන් අවධාරණය කර ඇත.
(අල් ජසීරා)
