ඉරාන උත්තරීතර නායක 85 හැවිරිදි අයතුල්ලා අලී කමේනී, අයහපත් සෞඛ්‍ය තත්ත්වයකින් පසුවන බවත්, මේ වනවිට ඔහු සිහිසුන් වී කෝමා තත්ත්වයක පසුවන බවත් ඇමෙරිකාවේ නිව්යෝක් ටයිම්ස් පුවත්පත අනාවරණය කර ඇත.
අසාධ්‍ය ලෙස රෝගී වීමට පෙර, අයතුල්ලා අලී කමේනී, ඔහුගේ අනුප්‍රාප්තිකයා ලෙස 55 හැවිරිදි ඔහුගේ පුතු මොජ්ටාබා කමේනී නම් කර ඇති බවත් නිව්යෝක් ටයිම්ස් පුවත්පත වැඩි දුරටත් අනාවරණය කර ඇත.
කෙසේ නමුත් මේ සම්බන්ධයෙන් ඉරානය පවසා ඇත්තේ අයතුල්ලා අලී කමේනී යහපත් තත්ත්වයකින් පසුවන බවත්, පසුගිය සති අන්තයේ අලී කමේනී, ඉරානයේ ලෙබනන් තානාපති හමුවී සාකච්ඡාවක් පැවැත්වූ බවත්ය.
ඉරාන උත්තරීතර නායකයා ඉරානයේ ලෙබනන් තානාපති හමුවී සාකච්ඡා පවත්වන ආකාරය දැක්වෙන ඡායාරූපයක් මේ වනවිට කමේනීගේ ‘එක්ස්’ සමාජ මාධ්‍ය ගිණුමේ පළ කර ඇත.
